Chin pa nih kum 21 nu a tlaihhrem

- Advertisement -

Chin state, Tonzang peng ah nu a tlaihhrem tiin lunghrinhmi kum 23 pa cu ni 5 hnu ah a nulepa nih palek sakhan ah an ap.

Thil sining: Tonzang peng Tuitum khuami Hau Siang Piang, kum 23 cu August 2 ah Kalaymyo in mawttaw aa cit i zaan 8pm ah Tonzang khuapi luhnak Khawlai sang ah a ttum.

Pawngkam um inn pakhat ah a kal i ‘khua chung um hotel ah ka thlah ta uh’ tiah bawmh a hal hna. Inn ngeitu nu nih kum 21 nu cu ‘na saikal in va thlah ta’ tiah bawmh a halpiak chin caah a thlah.

Zuu dawr hmai an phak in an i dinta. Hau Sian Piang nih zuu aa cawk i ‘kan khua pawng tiang ka thlah’ ati. Amah nih saikal cu a mongh i an khua pawng datsi dawr ah saikal cu a dirter. Kum 21 nu cu tlu lakin a nam i a tlaihhrem.

Hau Sian Piang cu a zaam caah an tlai kho colh lo.

Cucaah a nulepa nih August 7 ah Tonzang palek sakhan ah an hung ap.

Hau Sian Piang cu Tonzang palek sakhan nih Sualman Upadi Dal 376/511 in case an on piak.

Tonzang palek sakhan bawi nih, “tlaihhrem case taktak a phan lo. Thazaang chuah tiang lawng asi. Mipa nih inn ah ka thlah a ti i lam tanttim ah tlaihhrem dingin thazaang a chuah lio ah minu a au i pawngkam mi nih an rak but dih caah a tlaihhrem manh lo,” tiah a chim.

Nain, Tonzang Zatlang Zohkhenhnak Zung Riantuan pakhat nih, “a ningzah caah khatin a chimmi si lai. Minu cu sibawi nih an chek tikah a chiattha a tleek an ti,” tiah a chim.

July 22 zongah Tonzang peng Natzang khuate ah Tang 3 a kai liomi kum 9 ngakchia nute cu lam rianttuan kum 27 pa nih a rak tlaihhrem. — Zalen

Follow US

102,157FansLike
53FollowersFollow
734SubscribersSubscribe

Ṭial Tharmi

Chin Ralzaam caah FREE in Cancer Zawtnak Thlop Khawh Si Cang

A ra laimi October thla ah UNHCR card/catlap le community card a ngeimi ralzaam pawl hna caah Alliance of Chin Refugees (ACR)...

Vum Thu Maung certual sakmi 65% an lim cang

Chin khualipi Hakha um Vum Thu Maung Certual i puai zohtu mipi ṭhutnak cu Chin State Cozah budget ting thong 6 le...

Kawlram ah Covid-19 zawtnak ngei hmuhmi 9,000 leng an si cang

Ngandamnak Vuanci Zung nih tuzaan sml 8 i thawngthanhnak a tuahmi ah Covid-19 zawtnak ngei hmuhmi 9,112 an si cang.

Malaysia ah Covid-19 mizaw thar 111 an hmuhchap hna

Tuni Malaysia ram ah Covid-19 zawtnak ngeimi 111 an hmuhchap hna. Zarh khat chungah mizaw a zaleng an hmuh hna hi voi...
- Advertisement -