22.5 C
Hakha
Tuesday, June 22, 2021
- Advertisement -

Ṭial Tharmi

Chin pa Ko Lal Muan Puia cu Leicung Cocktail Zuamnak ah Asia Pacific aiawh in aa zuam lai

Yangon um Chin pa Ko Lal Muan Puia cu January thla ah leicung cocktail ser zuamnak ‘Bacardi Legacy Cocktail Competition Wildcard’ ah Asia Pacific aiawh in i zuam dingin Puerto Rico ah a kal lai.

“Ka hawipa nih phone aa ka chawnh i Asia-Pacific finalist ah an in thim aa ka ti cu kaa zumh kho lo. Kaa nuam tuk. Hihi tu kum chungah hlawhtlinnak nganpi ka hmuhmi asi, i zuam lai cu kaa ngaih tuk hringhran,” tiah Ko Puia nih a chim.

“2011 ah cocktail ser zuamnak kong hi avoi 1nak bik online ah ka rak rel. Bacardi zuamnak ah i tel ve hi ka duh tuk i kai tinhmi pakhat zong asi. Ka rian in vawlei cung zuamnak ah ka kal lai,” ati.

Bacardi cocktail zuamnak ahcun, aa zuammi pawl nih an nun chungah an tonnak experience a langhter khomi cocktail ser asi. An dawr ah cocktail an ser lio cu minute 6 chung video thlak i edit loin ap asi.

“Ka ngakchiat lio ah, khuate ah tlik pah in banhla ice-cream (popsicles) ka zuar tawn. Zuamnak caah atu hi ‘Kalay Pop’ timi cocktail ka ser lio asi, kan ngakchiat lio tuanbia hmangin,” tiah Puia nih a chim.

Kalay Pop cu Bacardi Carta Oro charhchanh in banhla, Dom Benedictine, lime le chihria he cawhmi cocktail asi. Banhla nih a khamter pah i a mak lawlaw khi si.

“Ka tuah lio video ka post hnu ah, top 8 ah an ka thim ve i ka paihmi vialte ka chimh dih hna hnu ah biakhiaktu pawl nih an teh. Myanmar rammi lakah keimah nih Asia Pacific cocktail zuamnak laksawng a ngah hmasa bik ka si,” tiah Puia nih a chim.

“Keimah telh in final minung 4 a kan thim te lai. Winner cu Miama khuapi (US ram Florida state) ah tuah ding cocktail zuamnak ah kal asi lai. Atu hi ni fatin ka si khawh chungin a ṭha bikin cocktail presentation tuah ka cinh liopi asi,” ati.

“Hi bantuk caanṭha hi tangka nih a caw kho lo. Zuamnak ah ka kal tik cu, aa zuammi dang pawl he biaruahnak kan ngeite hna lai, ramdang in a thiammi pawl he i ton lai cu kaa ngaih tuk,” ati.

Zuamnak cu January 30 ah Puerto Rico khuapi (US territory) ah an tuah lai.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -