14.7 C
Hakha
Wednesday, October 20, 2021
- Advertisement -

Ṭial Tharmi

Chin nusal Thidar Mon: Mipi lei ṭang in CDM ka tuah ve cang lai

Chin state, Tedim peng Khaikam palek sakhan ah palek a ṭuanmi Deputy Sergeant Thidar Mon nih, “mipi lei ṭang in CDM ka tuah ve cang lai,” tiah thawng a thanh.

“Keimah cu 2016 December 19 ah palek a lutmi ka si. Ka palek number cu l-268493 asi.

“Atu hi March 6 thokin mipi lei ṭang in zungkai loin mipi he CDM ka tuah ve cang.

“Ralkap council nih hramhram in uknak an chuh thokin nihin tiang ka lung nuam kho lo. Mipi nih duh lomi ralkap council kut tang ah rianṭuan peng ka duh ti lo.

“March 6 thokin mipi he thil dik lei ah ka dir ve cang lai. Mipi dihlak nih cohlanmi democracy cozah a chuah tiang CDM ka tuah ve cang lai.

“Mi nih an ka fial ruangah CDM ka tuahmi si lo. Keimah lungtho tein ka tuahmi si.

“Palek thilri pakhat hmanh ka ṭinpi lo. Palek rian ka phuahmi si lo i khunh hal loin ka bau zong si lo. Palek in ka zaam zong si lo,” tiah thawng a thanh.

Ref: Chin World

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -