April 1, 2021 ah Chin nufa Pi Cin Ngaih Don (kum 55) le a fanu Zen Deih San Hawm Vung (kum 15) thah an tong.

Kalaymyo peng, Zo Suan khua ah a cangmi a si.

Online ah micheukhat nih “Nufa hna cu ralkap nih an thah hna, a fanu cu an tlaihhrem hnu ah an thah” tiin an ttial.

Nain, khuami nih ralkap an si/lo hngalh a si lo i damiah an tteihmi hna a si. A fanu zong an tlaihhrem lo an ti.

Cin Ngaih Don te nufa cu dum chung i rian an ttuan lio ah mi zei ti hngalh lomi nih damiah an tteih hna i an thah beh hna.

Misual nih an lu ah an tuk hna i Pi Cin Ngaih Don cu a suitthi le a tumbul (hnatonh) an lakpiak. A fanu Vungpi cu sizung ah an kalpi ko nain a nunnak chanh manh loin a liam ve.

Thil a can lio ah khuami nu pakhat nih a hmuh hna caah misual pawl cu an zaam.

Misual pawl hi ralkap an si/lo theih a si rih lo.

Atu lio cu Myanmar ram chung thil a cangmi ruangah fir le tlei in a vakmi zong an rak um len. Ramchung ummi pawl Pathian nih in veng ko hna seh.