Kawlram pumpi state le region dihlak kum 12 tang (U-12) bawlung chuih zuamnak quarter-final ah Chin nih Ayeyarwady a tei.

October 27 zingka 8am ah Yangon ah an chuih i goal 3 goal 0 in Chin nih a tei. Goal thlen hlan ah Chin nih voi 1 an goal. Goal thlen hnu ah voi 2 an goal than.

Chin team in a goal tu cu number 10 nih goal 2 le number 7 nih goal 1 an goal.

Chin cu ni kum ah pathumnak a ngahmi si i Ayeyarwady hi pahnihnak a ngahmi si nain tu kum cu Chin nih an tei diam.

Chin U-12 team cu Chinland FC nih laksawng a pek hna lio

Semi-final ah Chin le Magway an i phomh lai. Magway hi ni kum ah pakhatnak a ngahmi si caah Chin caah thin a phang ko.

Semi-final cu October 29 zaanlei 4pm ah an chuih te lai. Final cu October 31 zaanlei 4pm ah an chuih lai.

Chin team cu atutiang ah puai 4 an chuih cang i puai 4 ning tein teinak an hmu peng. Goal 32 an goal cang.

Magway team cu atutiang ah puai 5 an chuih cang i puai 3 an awng, puai 2 an i tluk. Goal 5 an goal ve cang.

Chin team laksawng an pek hna lio

Charhchan: Zalen

Tial Lian Thang

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express...