Paletwa peng, Chin state — July 16 ah Bawngwa khuami 4 cu hlei saknak ca i lung cawh rian an ṭuannak in an ṭinlei ah AA an si tiin zumhmi hriamtlai bu nih an tlaih hna i nihin tiang inn an phanh ti lo pinah an konglam zeihmanh theih asi ti lo, tiah an khuami nih an chim.
July 16 zaan muika 7pm hrawngah Ai Kyaw Sein (kum 31), Ai Kyaw Kyaw Than (kum 28), Ai Kyaw Lin (kum 25) le Ai Kyaw Lin Naing (kum 23) hna cu motorcycle 2 in an ṭin lio ah tlaih an ton hi si.
“Khuazei an phanh zong atutiang kan hngal lo. An nung rih maw ti zong kan hngal lo,” tiah khuami pakhat nih Khumi Media ah a chim.
An tlau a thaizing zingka ah khuami nih an kawl hna i an i citmi motorcycle 2 lawng an hmuh. An tlaunak pawngah AA hriamtlai an rak um, tiah a kawl vemi pakhat nih a chim.
Chin state Paletwa peng hmun cheukhat ah AA le Kawl Ralkap an i kahmi ral meithal thawng nih khuami hna cu thinphang in a chiah peng hna.
Charhchan: Khumi Media Group
Ral ruangah Paletwa peng Chinmi 100 in 200 kar peng thla fatin Malaysia an phan. UNHCR nih card a pek duh hna lo caah ACR card i tlaih in ni fatin palek tlaih lai thinphang in an um.
Ṭial Tharmi
US Kawlram nu Su Hliang cu a ruak in an hmuh
Ethiopia PM Abiy Ahmed nih 2019 Nobel Peace Prize a ngah
Nilen Parmawi hla thar ‘Min Sung Bik’ a chuak cang
Hakha ah 4-star hotel pathum an sak lai
