9.8 C
Hakha
Friday, January 17, 2020
More

    Chin le Kawlca in USA Indiana Cozah nih Mawtaw License Kong a Chuah Cang Lai

    Follow Us

    99,809FansLike
    376SubscribersSubscribe

    Ṭial Tharmi

    - Advertisement -

    Indianapolis, INDIA — Kawlrammmi 32,000 hrawng an umnak Indiana State Bureau of Motor Vehicle (BMV) nih Mawtaw mongh cawnnak cauk cu Kawlca le Chinca (Hakha Lai) in a chuah ve cang lai, tiah thawng kan theih.

    “Mawtaw monghnak license (driver’s license) cu US ram khuasaktintuknak caah a herh hrimhrimmi, minung pakhat pumpak cio nih kan herhmi a si caah Indiana State cozah nih a tawlrelpiakmi hi kan i lawm ngai,” tiah hi bantuk hlawntlinnak a um khawhnak ding caah kum tampi a rak i zuammi BACI Executive Director Salai Elaisa Vahnie nih a chim.

    “Mirangca a thiam lomi kan miphun caah lawmh a um tuk khun. Rian kalnak, fale zohkhenh, sianginn ah thlah/don, le nitin kan nunnak ah a herhmi thil a si.

    “Cun, kan ca le nunphung kap lei in zo zongah i lawmh awk ngaingai a si. USA ram cozah pi nih kan Chinca kha literature pakhat in a pawm lawng si loin, a hman, aa chiah cang lai ti khawh a si caah kan Chin miphun tuanbia ah thil biapi ngaimi a si,” tiah Salai Elaisa Vahnie nih a chimchap.

    BMV Driver’s Lience Manual cu Chinca le Kawlca in 2021 in hman hramthok asi lai tiah i ruahchan asi.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.