6.4 C
Hakha
Monday, December 9, 2019
More

    Chin awtha 4 Myanmar Idol Top 8 ah an kai cang

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    Yaw Kee, Tan Khun Kyaw, Benjamin Sum le Esther Dawt Chin Sung cu tuzaan ah Myanmar Idol Season 4 Top 8 ah an kai cang.

    Vote tlawmbik 3 (bottom 3) ṭhutden ah Nay Lin Kyaw, Naw Say Say Htoo le Hnin Ei Ei Win an ṭhu.

    Anmah 3 lakah vote tlawmbik 2; Nay Lin Kyaw le Hnin Ei Ei Win cu an tla beh cang.

    Nay Say Say Htoo cu a kai ṭhan.

    Nay Lin Kyaw le Hnin Ei Ei Win nih ṭhennak hla (goodbye song) an sak cu ngaih zong a chia. Lung a hno ngai.

    Tu zaan cu khamh (save) a um ti lo i Top 8 lawng an tang cang.

    Top 8 pawl cu hmai zarh Nilini zaan 9pm ah an i zuam ṭhan lai. Zuamnak a dih cangka in a thaizing Ningani zaanlei 6pm tiang vote pek an si ṭhan lai i Ningani zaan 9pm ah vote result an thanh ṭhan te lai.

    Hmai zarh cu ‘country music’ an i zuam lai. Chinmi tam deuh cu ‘country music’ hi kan i ziak ngaimi asi caah Chinmi 4 zong nih ṭha tukin an sak khawh rih lai ti zumh a um ko.

    Kawlram pumpi hlasak zuamnak Top 8 tiangah Chinmi 4 an i tel khawh cu amak ko. Lawmh a um taktak.

    Nawlnak: Kan website chung ca le hmanthlak hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

    Na duh ve men hna laiRELATED
    Kaan thim piakmi an si