16.4 C
Hakha
Thursday, July 29, 2021
- Advertisement -

Ṭial Tharmi

Chin awtha 4 Myanmar Idol Top 10 ah an kai rih

Vanraangtang Chinmi vialte nih kan i zohthlami kan awṭha 4; Esther Dawt Chin Sung, Benjamin Sum, Yaw Kee le Tan Khun Kyaw @Thawm Lian Thang cu tuzaan zongah teinak an hmu ṭhan.

Top 10 pawl zahan zaan ah an i zuammi cu mipi nih kan vote hna hnu, tuzaan ah result an thanh i an 4 ning tein an kai hi si.

Benjamin Sum le Esther Dawt Chin Sung cu zahan zaan ah ṭha tukin hla an sak khawh caah le biakhiaktu 3 nih ṭha tukin comment an pek hna caah mipi zong nih vote tampi an pek hna lai i an kai ko lai, tiah zumh cia an si.

Tan Khun Kyaw le Yaw Kee balte zahan zaan ah lungduh in hla an sa kho lo. Nain, Tan Khun Kyaw cu fawi tein a kai.

Yaw Kee balte vote tlawmbik ngahtu 3 ṭhutden ah an ṭhutter ve nain amah nakin vote tlawm deuh a ngahmi Naw Say Say Htoo a um caah a himmi ṭhutden ah an ṭhial ṭhan.

Tutan ah vote tlawmbik a ngahtu Naw Say Say Htoo cu inn ṭin ding asi cang caah ‘khamhnak hla (save song)’ an sakter. Ngaihchiat pah hlasak kan ti cu lungduh in a sa kho lo.

Nain zahan zaan zuamnak ah ṭha tukin a sakmi kha biakhiaktu 3 thinlung ah a riak peng i an khamh ṭhiam.

Tuzaan cu a thiambik 9 (Top 9) lawng a taang ding an si nain Naw Say Say Htoo an khamh caah an 10 ning tein an taang rih. Hmai zarh tu ah minung 2 an tla lai i Top 8 lawng an tang lai.

Hmai zarh cun khamh (save) a um ti lai lo caah na uarmi awṭha cu vote pek hrimhrim a herh.

Hmai zarh Nilini zaan ah an i zuam ṭhan lai i zuamnak a dih cangka in a thaizing Ningani zaan result thanh hlan tiang mipi nih vote an si ṭhan lai.

Vote pek tikah pengtlang thleidan hmang hlah usih, a awṭha bak tiin na ruahmi kha zalong tein vote ko.

Atu in pengtlang ṭanh in na vote ahcun Top 3 ahcun pengtlang ṭanhtu pawl nan vote nih Kawl mipi vote a tei hlei lai lo i a tla ṭhiam ko lai. Pengtlang ṭanh loin a awṭha bak tiin na ruah i na uarmi kha zalong tein vote.

Cun, Chin pakhat chungah zalong tein kan um awk asi. Pengtlang timi hri nih kan ṭem hlah seh.

Mipi vote bak lawng nih bia a khiah cang caah le biakhiaktu 3 zong nih khamh a um ti lai lo caah na uarmi kha zei tluk a awṭhat zongah vote tampi na pek lo ahcun a tla kho.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -