16.4 C
Hakha
Monday, June 21, 2021
- Advertisement -

Ṭial Tharmi

Chin awtha 3 vote peknak number – Myanmar Idol Top 11

Myanmar Idol Season 4 aa zuammi vialte lakah a awṭha bikmi 11 (Top 11) an thimmi hna cu tuni ah media sin thawngthanhnak (Top 11 Press Conference) an tuah i pakhat cio vote peknak number zong an thanh cang.

Esther Dawt Chin Sung vote peknak number cu 77708 asi

A awṭhat pinah, a mui zong aa dawh tukmi Chin ngaknu nih, “keimah vote peknak number cu 77708 asi, nan dihlak cungah kaa lawm,” tiah online zultu mipi sinah thawng a thanh.

“Ka lungthlitum lei panh in lamkawi cung kal lai ka ruah paoh ah ka diriam i ka lawm. Hi bantuk caan ah ka chungkhar um hna sehlaw cu a tlamtling khun hnga ti ka ruat. Ka chungkhar ka ngai hna.

Atang VIDEO 10:24 ah Esther Dawt Chin Sung

“Nain, aa ka daw i tha aa ka petu nan dihlak hi a pahnihnak ka chungkhar nan si ko ee. Cucaah pehzulh in ka zuam ṭulmal ko lai,” tiah Yangon ah university a kai liomi mi nunneem Sung Sung nih a chim.

Benjamin Sum vote peknak number cu 77702 asi

A tungtai aa rem i pa leek tak a simi awṭha Benjamin Sum nih, “keimah vote peknak number cu 77702 asi,” tiah tha petu mipi thawng a thanh hna.

“Media sin Top 11 thawngthanhnak ah kaa tel ve.

“Atu bantukin tha aa ka petu pakhat cio nan cungah lunglawmhnak tampi ka ngei. Kan upat tuk fawn hna.

Atang VIDEO a hramthok ah Benjamin Sum

“Live Show ah i tel ve ding ka si cang caah, tha ka pe rih ko sawh u. Aa ka ṭanpi tu ramchung ramleng in We Love Fan chungtel pakhat cio nan cungah kaa lawm tuk hringhran,” tiah Kalay ah university a kai liomi aw phundangte a ngeitu Benjamin nih a chim.

Yaw Kee vote peknak number cu 77701 asi

A biachim holhrel ning duhnung tukmi awṭha Yaw Kee nih, “Hello, keimah vote peknak number cu 77701 asi. Tha ka pe ve dingin kan nawl hna,” tiah online mipi sinah thawng a thanh.

“Pakhatnak bikah, Bawipa min ka thangṭhat. Zumhngamhnak he Top 11 tiang aa ka khingtu biakhiaktu 3 cung zongah kaa lawm tuk.

Atang VIDEO a hramthok ah Yaw Kee

“Atu thok cun, dawtu mipi nan kut cung lawngah a um cang caah dawtu mipi thazaang in a ṭha bikin hmailei lamthluan kal ka duh. Ka daw rih ko sawh u, tha ka pe rih ko sawh u. Sui Myanmar rammi hna.

“Nan dihlak kaan dawt tuk hna,” tiah Chin state mihar bawmtu NGO pakhat ah supervisor a ṭuan liomi Yaw Kee nih a chim.

Vote pek caan

Hmai zarh in Live Show an thok cang lai. Mah tikah nan uarmi cio kha vote pek an si cang lai. Biakhiaktu 3 nih “anih hi kai seh, anih hi tla seh…” ti bantuk biakhiah a um ti lai lo.

Mipi nan vote tambik a ngahmi paoh an kai cang lai. Nan vote nih bia a khiah cang lai.

A caan nai deuh tikah vote pek ning kan thanh ṭhan ve te lai.

- Advertisement -

Ṭial Tharmi

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....
- Advertisement -

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -