10.3 C
Hakha
Wednesday, November 25, 2020

COVID-19

Vawleipumpi
60,315,174
A zawmi
Updated on November 25, 2020 3:35 pm
Vawleipumpi
1,418,784
A thimi
Updated on November 25, 2020 3:35 pm
Vawleipumpi
41,239,299
A dammi
Updated on November 25, 2020 3:35 pm

Chin awtha 3 bak Myanmar Idol Top 7 ah an kai rih

Advertisement

Tu zaan ah Myanmar Idol nih vote result a thanh i Chinmi 3; Benjamin Sum, Esther Dawt Chin Sung le Yaw Kee bak Top 7 ah an kai rih.

Kawlram pumpi hlasak zuamnak ah a thiam bikmi minung 7 chung i Chinmi 3 i tel cu amak ko. An rak men hrim lo.

Mipi nih uar bikmi an si tiah ruah ciomi Aye Mya Phyu le Esther Dawt Chin Sung bak vote tlawmbik 3 ṭhutden ah Tan Khun Kyaw he an ṭhutter ve hna i khuaruahhar ngai asi.

Anmah 3 lakah vote tlawmbikmi Tan Khun Kyaw cu a tla thai i Aye Mya Pyu le Esther Dawt Chin Sung cu an kai ṭhan.

Tuzaan ah a tlami Tan Khun Kyaw @Thuam Lian Thang

Nain, mipi vote tlawmbik a hmutu minung 3 lakah awṭha emem Aye Mya Phyu le Esther Dawt Chin Sung an i telmi cu zumh a har ngai.

Kawlram chung minthang tampi hmanh nih Aye Mya Phyu, Esther Dawt Chin Sung le Benjamin Sum lakah pakhat paoh nih winner an ngahte lai tiah an zumh ciomi vote tlawmbik ngahtu si cu khuaruahhar asi ko.

Myanmar Idol ruanṭuantu pawl zong zumh an har ngai. Vote zong cu mipi hmuh han (live) in an langhter lo caah vote tambik a hmu komi zong hmai zarh ah a fans pawl nih vote tampi pe hna sehlaw kan tangka lut tam deuh seh tiin vote tlawmbik a hmu an ti khawhmi si.

Atu cun cutin va tuah pingpang hna hmanh sehlaw winner tik ahcun asi ning tein an thanhte ko lai dah.

Zei khom si hmanh ah a fiangmi pakhat cu, Esther Dawt Chin Sung a uartu pawl vote pek nan daithlan lo a hau tinak asi.

Top 7 pawl cu hmai zarh Nilini zaan 9pm ah an i zuam ṭhan lai i zuamnak a dih cangka in a thaizing Ningani zaanlei 6pm tiang vote pek an si ṭhan lai. Vote tlawmbik ngahtu 1 a tla ṭhan lai i Top 6 lawng an taang lai.

Atu cun biakhiaktu 3 zong nih nawl an ngeih ti lo caah le mipi vote bak lawng nih bia a khiah cang caah awṭhat le ṭhat lo nakin vote petu tampi ngeih a biapi deuh cang.

Phun dangin chim ahcun, atu cun awṭhat zuam si ti loin vote tambik ngah i zuam si cang, ti khawh asi.

Atutiang Myanmar Idol thlihran le ramchung minthang pawl awzaan zoh tikah aho dah winner asi te lai ti na zumh bik? Aye Mya Phyu, Benjamin Sum le Esther Dawt Chin Sung lakah ho dah na zumh bik, asiloah anmah nakin na zumh deuhmi um maw? Kan zumhmi comment cio tuah usih.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

BTS cu Grammy nomination ah an i tel kho ve

K-pop group BTS cu an hla poh ngaimi "Dynamite" in Grammy Award ca nomination ah an i tel kho ve. Avoi 1nak bik Grammy...

Ṭial Tharmi

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

BTS cu Grammy nomination ah an i tel kho ve

K-pop group BTS cu an hla poh ngaimi "Dynamite" in Grammy Award ca nomination ah an i tel kho ve. Avoi 1nak bik Grammy...

COVID-19

Vawleipumpi
60,315,174
A zawmi
Updated on November 25, 2020 3:35 pm
Vawleipumpi
1,418,784
A thimi
Updated on November 25, 2020 3:35 pm
Vawleipumpi
41,239,299
A dammi
Updated on November 25, 2020 3:35 pm
- Advertisement -