17.2 C
Hakha
Monday, July 26, 2021
- Advertisement -

Ṭial Tharmi

Chan Chan nih NLD ka vote lai a ti, USDP/Ralkap Hla an sakter mi cu a aipuang tuk

Awṭha minthang Chan Chan cu zei kong asi ti chimh loin hla movie (MV) thlak an sawm i tuni ah video a chuah ciammam cu a thin hun tuknak ah a ṭap taktak dengmang.

NLD a ṭanh taktakmi Chan Chan nih rianrang tein media sinah thil sining a chim colh. A thinhun tuknak ah biachim hmanh aa ranh tuk ning le a aw than khawh ning hi aa chuih dih dengmang.

“Kan party cu chim awk a ṭha lo, secrete asi an ka ti ahcun tangka zeizat an ka pek zongah ka sakpiak ti hna lai lo. NLD ca lawnglawng ah ka sa lai,” tiah a chim.

Hla khaungsin cu “Kan Dihlak Ram (Nga Doh Aalung Yeh Me)” ti asi. Movie an thlakmi zoh tikah NLD an ṭhat lonak kong, NLD le USDP an i lungrual lonak kong, ramdang nih Suu Kyi thah an timh i ralkap nih an khamhnak kong, tbk., USDP le Ralkap ṭanhnak lawngte asi.

Hla le movie a tuahtu hi awṭha Yone Lay asi. Hlasak a sawmmi vialte cu USDP angki bantukin a raangmi a hrukter dih hna.

Chan Chan nih, “miphun dihlak nih anmah duhmi party cio zalong tein vote an pek khawhnak hnga forhfialnak caah mah hla hi kan phuahmi asi, zaangfah tein sak kan bawm ve uh tiin bawmh a kan hal. A hlabia ah zei party min hmanh a um lo caah a thianghlim ko tiin kan sakpiak mi si,” tiah a chim.

“Zei party hmanh ṭanh loin miphun dihlak nih an duhmi party cio vote pek dingin forhfialnak hla … a kan ti caah tangka fangkhat hmanh la loin ruahpi sur le thli hrang lakah kan fale kaltak in chun 12pm in zaanlei 5pm tiang MV kan thlakpi nak asi. Video an edit i a chuah cu sorry bak si. Kan dawtnak ningcang loin a hman.”

“Kei cu NLD vote pek dingin aa sungphiat cangmi ka si i party dang tha peknak hla cu ka sa lo hrimhrim. Video a chuah cangka in [Yone Lay] phone ka chawnh i ka zai colh.”

“Kan ram ṭhangcho dingin a kan tuahpiaktu [NLD Suu Kyi] thah an timhmi bantuk hna kha zeitin dah video ah an telh ngam hnga. Tuanbia zongah a ummi si lo. Kha cu va um rih seh!”

“Aung San tuanbia kan zoh zongah, a thattu cu U Saw le a hawile pei an si ko cu, kanmah Myanmar rammi pei an si ko cu. Ramdang nih an hung thahmi si lopi!”

“Kan ram ṭhancho ter aa zuammi hruaitu ramdang nih thah an rung timh ti te hna cu nihchuak bak asi.”

“Suu Kyi cu ramdang tu nih pei an bawmh ko cu si lo maw. Aho ramdang nih dah Suu Kyi cu thah an timh bal? An um lopi. Ngakchia hmanh nih an ruah khawhmi si.”

“An duhmi party [USDP/Ralkap] kha tha pe ko hna seh, anmah nawl si ko. Nain ka telh hna hlah seh.”

“Ralkap rian cu ram ven asi ko. Ram kuai lo dingin an ven lai, ram chuh a kan timtu an doh hna lai i ral an ṭhawl hna lai. Mah cu an rian si ko.”

“Ramdang van hai loin ram a ṭhanchoter tu ding, mipi ṭhancho ter tu ding, ramdang tlukin kan ram fimcawnnak a ṭhancho ter tu ding le ramdang nih a kan upat khawh ve nak dingin rianṭuan tu cu midang (NLD) an si ve ko. An rian aa khat lo,” tiah a chim.

A chimmi pawl cu Sunday Journal le Popular Journal ah tling tein zoh khawh an si.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -