CDF-Zophei nih hitin Kawl Ralkap tapeh pawl ralrin a pek hna

- Advertisement -

Chinland Defense Force (CDF-Zophei) nih, “Thantlang peng, Zophei tlang ummi vialte nih atanglei hna hi nan kan zulhpiak lo ahcun fak piin hma kan in lak hna lai,” tiah ralrin peknak thawng a thanh.

1. Ralhrang Kawl Ralkap sinah thawng nan thanh lai lo, nan inn ah nan tlunter hna lai lo. Nan bawm hna lai lo.

2. Zophei peng/tlang um company vialte nih Kawl Ralkap tender nan ṭuan lai lo. Nan ṭuan liomi zong a rannak in ngol dih uh.

3. CDM a tuahmi cozah rianṭuan pawl rian ṭuan ṭhan dingin nan lem hna lai lo. Nan tlerh hna lai lo.

4. Zophei pengah a kalmi minung citmi mawṭaw le thil phor mawṭaw pawl thlalangawng khar le muka khuh in nan kal lai lo. Cutin kal nan duh ahcun DCF-Zophei sinah thawng na kan thanh hmasa lai.

5. A herh tuk lo ahcun Hakha, Thantlang, tbk khua lam hla ah nan kal lai lo. Kal nan duh ahcun CDF-Zophei sinah thawng nan kan thanh hmasa lai.

6. Mipi himnak caah kan in check hna ahcun ṭha tein nan zulh lai.

7. Kawl Ralkap cozah kuttangah rianṭuanmi khuabawi, auhsuh cazi le vuanṭhan vialte Kawl Ralkap cozah he nan i pehtlai lai lo.

8. Pulrai a umnak hmun in Zophei pengah nan rat ahcun ni 14 chung quarantine nan lut lai.

Zophei peng/tlang ahhin khuate 15 an um:

  1. Leitak
  2. Aibur
  3. Hmongtlang
  4. Hlamphei
  5. Vuangtu
  6. Zaabung
  7. Kuchah
  8. Congthia
  9. Ngalang
  10. Khuabung
  11. Hriphi
  12. Lawngtlang
  13. Tluangram
  14. Zephai le
  15. Phaikhua hna an si.
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...