CDF-Zophei caah ramkip um Zophei tefa nih ting thong 17 (1.7 billion kyats) leng an thawh

CDF-Zophei caah ramkip um Zophei tefa hna nih US dollar 1 million dengmang ($986,413) an thawh cang. Atu lio Kawlram tangka thlen ret cun ting thong 17 (1.76 billion kyats) leng asi cang.

Zophei khuatlang cu Thantlang pengah a ummi khua 15 an si, atanglei hi khua 15 le tutan an thawhmi zat cio asi;

  1. Zephai = $29,500
  2. Khuabung = $25,669
  3. Aibur = $24,700
  4. Lawngtlang = $13,000
  5. Leitak = $10,500
  6. Ngalang = $9,400
  7. Hriphi = $9,000
  8. Hmawngtlang = $9,000
  9. Hlamphei = $8,100
  10. Congthia = $7,400
  11. Vuangtu = $7,000
  12. Zabung = $6,000
  13. Phaikhua = $4,600
  14. Kuchah = $3,600 le
  15. Tluangram = $2,400 (dihlak $159,860) an thawh. Mah hi khua min in an thawhmi lawng asi rih.

An umnak ram cio in an thawhmi dihlak hi $631,288 asi rih. Atang hmanthlak ah zoh khawh asi.

Ramkip um Zophei tefa hna nih CDF-Zophei caah an khua min le an umnak ram min in thawhmi November 25 tiang cazin

Zophei khuatlang khrihfabu pawl min in thawhmi $142,700 asi.

Ramkip um Zophei khua 15 khrihfabu nih an thawhmi cazin

Umnak ram, khua le khrihfabu sinah thawhmi pinah pumpak in an thawh chapmi hi $52,509 asi.

Khua le khrihfabu in thawhmi pinah pumpak in an thawh chapmi

Hakha le Thantlang zongah Zophei tefa thong tampi (3,000 hrawng) an um, cucaah Zophei tefa hna hi CDF-Hakha le CDF-Thantlang ca zongah tangka an thawh chih. CDF-Zophei ca lawngah thawh hna sehlaw cu hi nakin a let in a tam hnga.

CDF-Zophei caah tangka ting thong 17 thawh hi Zophei tefa hna nih ‘a za cang’ an ti lo, thla fatin thawh peng rih dingin timhtuahnak an ngei.

Dr. Lian Hmung Sakhong (NUG cozah Federal Ram Dirhnak Vuanci), Pu Zo Bawi (Chin Hluttaw Hruaitu hlun), Pu Lian Uk, tbk. nih hruaimi Zophei tefa hna nih ram le miphun caah tei an rialnak hi khuatlang dang le Chinmi dihlak nih i cawn awktlak ngaingai, Chin ramkhel tuanbia ah a hmun ding asi.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...