CDF nih Dalan pawl ralrin a pek tthan hna

- Advertisement -

Chinland Defense Force_Hakha nih dalan pawl an umnak le an sang tiang in ralrin a pek than hna. May 12 ah ralrin peknak cathanh cu a chuah.

Ralhrang ralkap cu amah miaknak le nawlngeihnak a hmunh khawh zungzal nak hnga miphun, biaknak kha i tlaih in kum 70 leng Myanmar ram miphun kip duhmi he i ralkah in a uk i mi ramdang lak ah a sifakbik le mithmai ngeilo bikmi laksawng a kan ngahpiak.

Ralhrang ralkap nih amah duh ningin ttialmi 2008 phunghrampi cu hramhram in a fehter i utlak lu le nga tawmei bang democracy ram muisam keng a si lio ah February 1, 2021 in hramhram in uknak a lak tthan i rammi 800 dengmang nih ram caah an nunnak an pek.

Cu bantukin, ralkap uknak kan doh lio ah mipi ca tthatnak zoh loin ralkap lei a ttangmi pawl cu kan in zoh sawhsawh hna lai lo tiah CDF Statement 2/2021 in ralrin peknak cathanh kan rak chuah cang.

CDF nih cathanh chuahmi a zul lo i ralkap lei a ttang i thawngpang a pemi (dalan) pawl cu May 11 zaan ah a tanglei langhtermi hmun pawl ah bomb puah in ralrinnak kan pek hna.

Tu hnu zongah, ralkap lei nan ṭan i thawngpang nan pek rih hna ahcun nan nunnak caah bia kan in kamh kho hna lo timi theihter kan in duh hna.

Bomb Puahnak Hmun Pawl

Hniarlawn (A) – Chin state ralkap upa hna sin ah CDF cawlcanghnak kong thawngpang a pek hna ruang ah a si.

Hniarlawn (B) – Ralkap nih tangka ting 3 an pek i CDF cawlcanghnak thawng a thanh hna pin ah CDF chungtel pakhat inn an baoh.

Hakha, Dawrhlun sang ah innhlang in a ummi dalan pakhat. – CDF_Hakha

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...