Wednesday, December 1, 2021

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force – CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin a pek hna.

CDF nih, “Mipi sianginn pawl cu, ralhrang ralkap cozah nih a duh ningin sal canternak caah a on cuahmah hna,” ati.

“Hi bantuk sal canter cawnpiaknak cu CDF nih kan cohlang hrimhrim lo. Mah bantuk sal canternak sianginn ah kai hlah ulaw mipi cozah taktak (NUG) nih caankarlak fimcawnnak a tuahmi lawng cohlang uh tiah nulepa le saya/ma dihlak kan in nawl hna.

“Cucaah, ralhrang ralkap cozah sal canternak sianginn tha a pemi paohpaoh, ahlei in sal canternak sianginn kai dingin forhfialtu saya/ma pawl cu CDF nih fak piin ralrin kan in pek hna.

“Rawl petu mipi rawi riangmang in sualnak ngei lo mipi nunnak ruru hranghrang in a thattu ralkap cozah he aa bawmmi paohpaoh, saya/ma telh in CDM a tuah lomi cozah rianṭuan vialte cu ralkap cozah nan bawmh peng rih ahcun CDF nih a herh ningin fak piin nan cungah hma kan lak lai tiah ahlankan in ralrin kan in pek cia hna,” ati.

- Advertisement -