Chinram Vengtu Ralkap (CDF) – Mindat nih, “Nizaan 7pm hrawngah ralkap kan kah ṭhan hna,” tiah thawg a thanh.
“Ralkap nih nan tlaihmi Mindat khuami 5 cu May 12 suimilaam 12 hlan ah thlah hna uh kan ti hna nain an thlah hna lo caah kan kah hna hi si.
“Atutiang ahcun, a thimi le hliam tongmi kong fiang tein kan hngal kho rih lo,” ati.
April 26 ah CDF nih ralkap a kah hna i 15 a thah hna hnu ah ‘i kah ti lo dingin‘ kap hnih kar bia kamnak an rak ser.
An biakamnak ning ahcun, ralkap nih “Sami khuapi lei kal ding ralkap mawṭaw 13 hi Mindat khuapi chungin nan kalter ahcun, kan tlaihmi hna dihlak kann thlah ṭhan hna lai,” an rak ti.
Nain, an thlah hlei hna lo caah atu bantukin CDF nih a phomh hna hi si.
