CDF-Mindat nih, “Kawl Ralkap 25 kan thah hna pinah, adang tampi kan hliam hna,” tiah a thanh.

“November 4 zingka 8:30am ahkhan Mindat khua nitlak lei Mindat-Matupi lam meng tung 6 lonh ah Kawl Ralkap he kan i kap.

“CDF-Mindat nih kan hmenhmi bomb nih Kawl Ralkap 5 a thah hna i tampi a hliam hna.

“Mindat-Matupi lam meng tung 43 ah Kawl Ralkap tank le motor pawl cu CDF-Mindat nih hnu-hmai in kan kah hna i 20 hrawng kan thah hna pinah tampi kan hliam hna.

“Hnulei in a kaptu pawl nih Kawl Ralkap motor hnubik a kalmi an kah tikah motor mong nih rang tukin a mongh i motor a tlikpi caah motor tangah aa thupmi Kawl Ralkap pawl thuhnak an ngei ti lo i tam tuk kan thah khawh hna nak hi si.

“Motor mongtu nih rang tukin hmailei ah motor a mongh tlikpi tikah motor tangah aa thupmi Kawl Ralkap pawl nih i thuhnak caah motor cu an dawi.

“Mah lio cun CDF-Mindat nih a tomtom in kan kah hna i tampi kan thah khawh hna hi asi,” ati.