CDF-Mindat nih October 19 ah Mindat khua chungah ralhrang Kawl Ralkap an kah hna.
Zingka 5:30am ah Mindat District GAD Zung pawngah bomb le meithal in an kah hna.
Zaanlei 6pm ah Mindat Township Fire Department ah umhmun khuarmi ralhrang Kawl Ralkap pawl an kah ṭhan hna.
Cutin hmun 2 ah an kahmi hna cun, “ralhrang 2 an thi i 4 hliam an tuar,” CDF-Mindat chungtel sin in kan theih.
Ralhrang pawl cu October 19 kha Mindat – Matupi lam meng tung 23 pawngah an riak i mipi inn an baoh hrawh piak hna. Solar zong an hrawhpiak hna. Umkheng tiang an firpiak hna.
Khuami sia 6 zong an thah ei piak hna. An dum thilri zong an firpiak hna i an hrawh hlonh piak dih hna.
Ralhrang pawl October 14 ahkhan tank 2 le motor 70 leng in Mindat khua in Matupi lei an kal nain nihin tiang an phan kho rih lo.
