CDF-Mindat le Kawl Ralkap ni 9nak an i kap – 17 an thah hna

- Advertisement -

Mindat-Matupi lam mengtung 19 ah zaanlei 1pm ah CDF-Mindat le Kawl Ralkap an i kap.

“Kawl Ralkap 10 leng kan thah hna,” tiah CDF-Mindat nih a chim.

Liamcia an i kah lio bantuk si ti loin, ralhrang Kawl Ralkap nih raltuknak tank motor 2 cu hmai ah an kalter. Tank hnu ahcun motor pawl 2 artlang in an kalter hna – atang hmanthlak ah hmuh khawh asi.

CDF-Mindat nih an bawh kah hna i hmaikal tank cung i machine gun kaptu 1 telh in ralkap 10 leng an thah hna. CDF-Mindat hmenhmi bomb nih a puah chih hna i tampi hliam an tong.

Mengtung 27 zongah ralhrang Kawl Ralkap 1 ruak an phommi kan hmuh, tiah CDF-Mindat nih a chim.

“Kawl Ralkap motor tampi aa zulmi hi kuan an ngei huaha ti lo tiin kan zumh (hriamnam ngan in a kan kap ti lo).

“Mindat in Matupi lei ah mengtung 11 tiang a hung kaimi Mindat khuasa Kawl Ralkap pawl lawng nih hriamnam ngan in lam hla piin a kan kah.

“November 9 ah mengtung 16 ah kan i kap ṭhan i ralhrang 5 hrawng kan thah hna. Bomb kan hmenhmi nih a puah chih hna i tampi hliam an tong.

“Mengtung 14 tiang CDF-Mindat nih kan dawi hna i ralhrang 2 kan thah chap hna. Hliam tongmi zong an um chap rih lai ti kan zumh. Lam cung i an thi a tlami pawl an hnawhmi le leivor an khuhmi pawl kan hmuh.

“November 10 zongah mengtung 11 pawngah CDF-Mindat le ralhrang kan i kap ṭhan,” ati.

Mah hlan ah CDF-Mindat nih tampi an thah cang hna;

  1. CDF-Mindat nih Kawl Ralkap 25 an thah hna
  2. Mindat-Matupi lam ah ni 2 chungah ralhrang 26 an thi
  3. CDF-Mindat nih Kawl Ralkap 2 an thah hna, 4 an hliam hna
  4. CDF nih Kawl Ralkap 5 an thah hna
  5. CDF-Matupi nih Kawl Ralkap 20 an thah hna
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...