CDF-Matupi nih, “September 16 ah Matupi khua chungah ralhrang SAC he i bawm in mipi harnak a petu minung 6 kan rak tlaih hna.
“Bia kan hal hna i lam tampi in kan hlat i fehter hnu ah minung 6 lakah 3 cu ralhrang sinah thawng petu, ralhrang tapeh chiakha taktak a sen level tiang an phak cang caah September 26 ah CDF-Matupi nih kan fimtawl/thah hna.
“A taangmi 3 cu October 7 ah kan thlah hna,” tiah nizaan October 22 ah thawng a thanh.
“SAC lei ṭang in mipi khuasak tintuknak le himnak a hnorsuang lengmangmi mipi rawitu dalan pawl cu CDF-Matupi nih fak taktak in hma kan in lak hna lai,” ati.
Mindat in Matupi lei a rami ralhrang Kawl Ralkap pawl lakah ke ralkap 150 hrawng cu nizaan kha meng tung 70 ah an riak.
Tank 2 le motor 70 hrawng cu meng tung 68 ah an riak.
Matupi lei in a hung dongtu ralhrang 70 hrawng zong meng tung 80 tiang an phan ve cang lai, tiah zumh asi.
Tu hnu ni tlawmpal ahcun Matupi an phan kho men.
