Kawl Ralkap 2 kan thah hna, tiah CDF-Matupi nih thawng a thanh.

“Tu zarh chung cu Matupi peng ah ralhrang SAC ralkap pawl nih hriamnam ngan he hme he duhpaoh in an puah. Matupi – Mindat lam ah ral an kawl peng caah mipi lungrethei thinphang in an um.

“October 15 zaanlei 6pm ah CDF-Matupi le ralhrang SAC ralkap pawl kan i kap. Ralhrang 2 kan thah hna. Kanmah CDF-Matupi lei cu hliam tongmi le thimi kan um lo.

“October 16 zaanlei 2pm hrawngah ralhrang SAC ralkap pawl nih duhpaoh in hriamnam ngan an kah caah kum 6 ngakchia pakhat an khen i a nunnak liam.

“Tarpa pakhat zong ralhrang SAC ralkap pawl nih vawlei ah bomb an phum/hmenhmi aa lam sual i a nunnak liam.

“Mah pinah, Matupi – Mindat lam Chianpian (B) lam ah SAC ralkap kahmi hriamnam ngan nih minung pakhat a khen i fak piin hliam a tong.

“Mipi nan nunnak a liammi le nan sunghzatlakmi cungah Chinland Defense Force – Matupi nih nan ngaihchiatnak kan in tuarpi hna.

“Matupi peng ral thawngpang paoh cu Chinland Defense Force – Matupi nih kan thanhmi lawng hi fehtermi asi,” tiah CDF-Matupi nih a thanh.