September 13, 2021

CDF le CNA nih Kawl Ralkap 12 an thah hna, Lungler khua ralkap sakhan an lak

CDF nih, “Lungler khua um Kawl Ralkap sakhan kan lak cang. Kawl Ralkap 12 kan thah hna,” tiah thawngthanh.

“September 10 ah Lungler khua um SAC ralkap sakhan cu CNA/CDF-Thantlang ralkap 200 leng nih kan kah. SAC nih raltuknak vanlawng in a kan kah caah kan kir tak.

“September 11 zaan 7:45pm ah ralkap 400 hrawng nih kan kah ṭhan i 9:30pm hrawngah sakhan ningin kan lak.

“Kawl Ralkap 12 kan thah hna. Kanmah CNA/CDF-Thantlang lei cu a thimi kan um lo, hliam tongmi balte 8 kan um.

“Kawl Ralkap sakhan cu kan ṭhiam dih i hriamnam vialte kan lak dih hnu ah mei in kan khangh,” ati.

Ral ruangah Thantlang peng Chin mipi an zaam lio

Hmasa thawngpang

CDF le CNA nih Lungler ralkap sakhan an kah, Chinmi 10,000 leng Mizoram ah an zaam cang

Hnu thawngpang

Thawngṭha: Myanmar Ralkap Cozah cu UN meeting kaiter lo dingin US le China an lungtling

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.