“Na tlaihmi Chin mipi dihlak zei cukha ti um loin thlah dih hna,” tiah Chinram Vengtu Ralkap (Chinland Defense Force – CDF) nih ralhrang ralkap cozah (SAC) a hal.
“Ralhrang ralkap cozah nih na tlaihmi sualnak ngei lo Chin mipi dihlak zei cukha ti um loin na thlah dih hna lo ahcun, Chin state pumpi ah fak taktak in kan in kah peng hna lai,” tiah ralrin a pek.
Nizaan June 10 ah CDF nih Hakha le Thantlang peng ah ralhrang SAC ralkap 27 an thah hna.
Hakha le Gangaw kar ah CDF-Hakha nih 10 an thah hna.
Thantlang peng Khuahring Tlang ah CDF-Thantlang nih 17 an thah hna.
CDF-Hakha le CDF-Thantlang lei cu hliam tongmi le thimi an um lo.
