Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an khangh piak hna.

“Surkhua um ralhrang ralkap umnak sakhan cu CDF-Hakha nih nih kan lak i tapung pawl umnak inn 4 le cazin pawl mei in kan khangh piak hna,” tiah CDF nih May 8 zaan ah a thanh i hmanthlak pawl a tar.

“Hriamnam pawl zong kan lak,” ati.

Surkhua palik sakhan ahhin ralkap 5 le palik 12 an um nain CDF-Hakha nih lak dingin an kal hnawh ahcun an rak zaam cang.

Mah kong cu ralkap media Myawaddy TV nih, “Surkhua um palik sakhan cu meithal chiahnak inn 1 telh in inn 6 CDF-Hakha nih an khangh,” tiah tuzaan ah thawng a thanh.

CDF-Hakha nih Surkhua palik sakhan an lak khangh lio hmanthlak pawl