“Uknak firtu Kawl ralkap 7 kan thah hna i 19 kan hliam hna,” tiah Chinram Vengtu Ralkap (CDF) – Hakha nih a thanh.

“Kanmah CDF lei cu hliam tongmi kan um lo,” ati.

May 18 zaanlei 4pm le 5pm kar ahkhan Hakha khua hmun 3 ah CDF le Kawl ralkap an i kap.

1. Hakha – Thantlang lam mi check nak gate (Hakha University pawng) ah an i kap i ralkap a tlawmbik 2 hliam an tong.

2. Hakhathar 6 lamton ah an i kap i ralkap 4 an thi, a tlawmbik 9 hliam an tong.

3. Hakha – Gangaw lam ah an i kap i ralkap a tlawmbik 3 hliam an tong.

Nizaan May 19 zaanlei 5pm le 6pm kar ah Hakha ah an i kap ṭhan

Hakha – Matupi lam ah CDF a kawltu Kawl ralkap 70 hrawng cu CDF nih a thlithup in an kah hna i 3 an thah hna, a tlawmbik 5 an hliam hna.

Kawl ralkap nih CDF-Hakha saikal 30 hrawng mei in a khangh piak hna.

Hakha um Kawl ralkap bawm dingin Kalay in ralkap tampi an rat caah ral fak chinchin aa peh kho, tiah CDF-Hakha nih a thanh.