CDF-Hakha nih dalan RC siangbawi Rev. Fr. Noel Hrang Tin Thang le a zultu kan thlah hna lai ati

- Advertisement -

CDF-Hakha nih Surkhua ah Pathian rian ṭuan loin ralhrang Kawl Ralkap tapeh a ṭuanmi dalan RC Siangbawi Rev. Fr. Noel Hrang Tin Thang le a zultu RC Saya Clement Cung Hnin cu July 26, 2021 ah an tlaih hna.

“A rannak in thlah hna uh,” tiah Hakha peng RC siangbawi pawl le RC khrihfabu pi hruaitu Bishop Lucius Hre Kung nih atang hmanthlak bangin CDF-Hakha thawng a thanh hna.

CDF-Hakha nih RC upa 2 nih minthut ulaw kan thlah hna lai, ati

“Surkhua ah rian a ṭuan liomi RC Siangbawi Rev. Fr. Noel Hrang Tin Thang le a zultu RC Saya Clement Cung Hnin (Dumva khuami) cu Ralhrang Ralkap he naihniam in rianṭuanṭinak, pehtlaihnak an ngeih peng pinah Ralhrang Ralkap bawmhnak lak dingin Hakha an kal caah July 26 ah kan tlaihmi hna asi,” tiah CDF-Hakha nih a tlaihnak hna aruang a fianter.

“Kan tlaih hna nain CDF-Hakha nih zeihmah fahnak kan pe hna lo. July 29 zongah Hakha Bishop Lucius Hre Kung he phone kan chawnhter hna. Ngandam tein eidin he inn pakhat ah ṭha tein kan chiah hna.

“Biaknak ruangah kan tlaihmi hna asi lo. Ralhrang ralkap le cozah he an i pehtlaih peng ruangah kan tlaihmi hna asi. Cucaah biaknak phu le bu kongah a herh lo tiangin nan buainak hnga lo thawng kan in thanh hna.

“Rev. Fr. Noel Hrang Tin Thang kan tlaihnak aruang le a sining cu atanglei bantuk hin asi. Kan theih cangmi thil, biahalnak in si seh, a phone chung le thilri tlaihmi tatte le record kan ngei dih:

  1. Surkhua ah Ralhrang Ralkap nih hmunhma khuar in um an i tim peng i Senthang le inntek Surkhua lemsoi dingin Rev. Fr. Noel Hrang Tin Thang an hman. Ralkap he pehtlaihnak a ngei.
  2. Ralhrang Ralkap cozah tuahmi Tender cu Seng Thang company Managing Director a sinak min in a lak i a tuah cuahmah.
  3. Hakha in CDF Battalion 2 (Senthang) umnak lei a kalmi Ralhrang Ralkap minung 57 cu July 1 ah Surkhua le Hausen kar ah a don hna.
  4. Hakha um Ralhrang Ralkap nih sii le ai in mi an lemnak thil cu July zarh 1nak ah Hakha ah a va lak lawng si loin Senthang khua pawl zong Ralhrang Ralkap bawmhnak sii i lak ve dingin a forh hna.
  5. CDF-Hakha ningcang lo le thil diklo a lengah Messenger in ca a kuat hna.

“Acunglei cawlcanghnak a ngeih ruangah CDF-Hakha nih July 6 ah kan auh i Ralhrang Ralkap he i pehtlai lo dingin le rian ṭuan ṭi ti lo ding, bawmhnak lak lo ding le CDF-Hakha Battalion 2 theihternak tuah loin Hakha tlawn lo dingin ralrinnak kan pek.

“Ralrinnak kan pekmi cu zei a rel lo caah July 15 ah kan auh ṭhan i Surkhua khuami hmai ah ralrinnak kan pek ṭhan. Avoi 2nak ralrinnak kan pekmi zong zei a rel lo i Ralhrang Ralkap bawmhnak la dingin Hakha a kal ṭhan caah mipi humhimnak le dothlennak dawnkhantu asi tiin kan tlaihmi asi.

“Rev. Fr. Noel Hrang Tin Thang cu biaknak lei rianṭuan loin pumpak miatnak caah Ralhrang Ralkap he i bawm in rian a ṭuan i mipi himnak le dothlennak dawnkhantu asi caah RC khrihfabu nih Surkhua in Hakha ah ṭhial ulaw, hi hnu a zulh ding minthut biakamnak kan tuahmi ah RC khrihfabu rianngeitu upa 2 nih min nan thut lawngah kan thlah lai,” ati.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...