CDF-Hakha cu tangka ting 600 leng an kuat hna

US le Canada um Hakha le Hakha peng mipi nih CDF-Hakha cu Kawlram tangka ting 600 leng an kuat hna.

  1. Canada um Hakha le Hakha peng mipi nih $5,000 an kuat hna.
  2. Indiana state ummi nih $5,000
  3. USA Chuncung khuami nih $5,000
  4. Easter Area ummi nih $5,000
  5. US um Senthang khrihfabu pawl nih $5,000
  6. Amarilo le Michigan ummi nih $5,000 le
  7. Florida ummi nih $5,000 tiin dihlak $35,000 (Kawlram ting 570 leng) an kuat hna.

Cun, Texas state Lewisville ummi zong nih Kawlram tangka ting 40 leng an kuat ve hna.

CDF-Hakha bawmtu

CDF-Hakha cu ramchung lawng si loin vawlei cung ramkip um Hakha le Hakha peng chung khuami paoh nih thla fatin $100 cio thawh in an bawmh hna.

Ramchung he ramleng he Hakha le Hakha peng khrihfabu vialte zong nih an bawmh hna (an min langhter awk ṭha lo).

CDF-Hakha bawmhnak caah ṭha tein CDF-Hakha Supporting Committee, North America an dirh i cu nih cun US le Canada um Hakha le Hakha peng mipi vialte cu asi khawh chungin a pehtlaih hna i tangka a kholh hna.

Cu committee tawlrelnak in acunglei langhtermi $35,000 cu August 14 ah an kuat cang.

Lewisville, TX area ummi hawikom bu pakhat zong nih Kawlram tangka ting 40 leng cu August 17 ah an kuat ve cang.

Nusal pasal, chan khat chuah ah, hi rianṭuannak ah i tel ve lai lo ding nan lungsia a rem lai lo caah thazaang chuah khawh cio i zuam hraam hna usih.

August thla chungah tangka ting 600 leng a chuahtu pumpak, chungkhar, khua le khrihfabu vialte hna cungah kan i lawmhnak cu LIKE le SHARE in langhter cio hna usih.

Pathian sermi tlukruannak le dinnak a ṭanhmi paoh nih hi rianṭuannak cu an dirkamh i Pathian nih a kan umpi lai i teinak kan hmuh hrimhrim lai tiah a zummi nih thazaang chuah cio hna usih.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...