CDF caah US Lai paṭhawng pawl nih $40,000 (Kawlram ting 600 leng) an hmuhpiak hna

- Advertisement -

Nunnak pek in Kawl Ralkap a dotu CDF caah US Lai paṭhawng pawl nih paih in tangka an kawlpiak hna i $40,000 (Kawlram ting 600 leng) an hmuhpiak hna.

Vaurawng CDF Paih tiin August 21 ahkhan Indianapolis khuapi ah paih puai cu an tuah. Ram le miphun caah pei asi cu tiin Rung Lian Ceu le Biak Hmun Sang nih anmah tangka $5,000 thap bakin an i pai.

Biak Hmun Sang nih a teimi laksawng $5,000 cu CDF caah a hlut dih.

Sang Hlei Thang le Thangtu zong ram le miphun caah tiin anmah tangka $2,000 thap in an i pai ve. Sang Hlei Thang nih a teimi $2,000 ningin CDF caah a hlut dih.

Lal Rem Ruat nih Lightweight le Middleweight in teinak a hmuhmi $4,000 a hlut dih ve.

Val Thian Cung nih zatlang paih le minung tambik tengh bualco mi $1,000 a hlut dih pinah, Hniarlawn khua CDF rianṭuannak caah $700 a hlut chap.

Uk Lian Thang nih zuamcawh ah pahnihnak laksawng a hmuhmi $500 a hlut.

A thiamnak le a thazaang hmangin aa paimi pawl nih anmah tangka bak an hlutmi dihlak hi $12,500 asi.

Zohnak ticket an zuarmi le angki an zuarmi pawl a chuah dih tik ahcun a dihlak $40,000 cu kan ngah ko lai, tiah Vaurawng CDF Paih Committee nih a thanh.

“Kan Chinram ah kan um lo nain, USA ram in kan Paih țhawng hna zong nih nan thinlung nan thazang le nan chawva in nan dirhkamhmi hna kan hmuh tikah lunglawmhnak mithli a luang, Bawipa nih nan țuan kawlhawlnak ah thluachuah in pe chin ko hna seh,” tiah aa paimi vialte cungah lunglawmhnak bia a chim.

Thla tlawmpal hnu ah CDF caah paih an tuah ṭhan lai. Rung Lian Ceu nih Biak Hmun Sang a singkhaw caah an i phomh ṭhan lai.

Vaurawng CDF Paih committee sinin lunglawmhnak

Chin miphun ulenau hna, mizapi nih thaazang nan kan peknak thawngin kan paih tlam a tling. Live pay per view in na cawk ko na,n a tlamtling lo mi nan um kho, kan ngaithiam uh. 

Kan miphun hawi CDF ca’h tiah, na ṭhawn thaazang hmang in a pai mi vialte siseh, pumpak pakhat cio nan cungah kan ilawm tuk.

Rung Lian Ceu le Thang Tu nanmah pahnih cungah lunglawmhnak chim cawklo kan ngei, paih nan sunlawi ter.

1. Biak Hmun Sang, nih teinak a hmuh mi $5,000 a kan hlut țhan dih.

2. Sang Hlei Thang nih teinak a hmuh mi $2,000 a kan hlut than dih.

3. Lal Rem Ruat nih Lightweight le MiddleWeights in teinak $4,000 a hmuh mi a kan hlut țhan dih.

4. Val Thian Cung, nih Zatlang bualco le minung tambik teinak a hmuh mi $1000 a kan htut i, Hniarlawn khua CDF rianṭuannak a khat ko ca’h tiah $700 a hlut hna.

5. Uk Lian Thang nih zuamcawh ah, pahnih nak laksawng a ngahmi  $500 a kan hlut țhan. Kan miphun hawi CDF ca’h tiah, an laksawng $12,500 a kan hlut țhan dih, kan ilawm tuk.

Pay per view in a lut mi le Angki kan zuar ter mi hna tlam a tlin dih ahcun $40,000 cu kan ngah ko lai tiah kan i ruah.

Kan chin ram ah kan umlo na,n USA ram in kan Paih țhawng hna zong nih nan thinlung nan thazang nan chawva in nan dirhkamh mi hna kan hmuh tikah lunglawmhnak mithli a luang, Bawipa nih nan țuan kawlholnak ah thluachuah in pe chin ko hna seh.

Salai Ṭial Sang

V. CDF Paih Secretary 

USA, Indianapolis

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...