CDF caah $5,000 thap in Rung Lian Ceu le Biak Hmun Sang an i phomh lai

- Advertisement -

Update: CDF caah Biak Hmun Sang nih Rung Lian Ceu paih a singkhaw nak tangka $5,000 cu Vaurawng-CDF Paih Secretary Salai Tial Sang sinah a rak ap cang.

Ani: August 21, 2021
A caan: 12:00PM – 9:00PM
A hmun: Indianapolis Chin Baptist Church (ICBC) : 8528 Madison Ave, Indianapolis, IN 46227

Laipa nih tengh khawh lomi, USA ram in Laitlang tiang paih bual a comi paih siangpahrang Rung Lian Ceu cu ṭih thei lo cakei Biak Hmun Sang nih $5,000 in a singkhaw.

US ram, Texas state um Chuncung chiandeih Rung Lian Ceu nih, Laipa aa ka ngamhmi nan um ahcun $5,000 in ka singkhaw uh a ti caah Biak Hmun Sang nih a singkhaw colh hi si.

Rung Lian Ceu nih avoi 5nk WPC champion a rak co lio | 2019

Rung Lian Ceu nih, “Paih a ka duh mi nan um maw? Nan ka tei cun $5,000 CDF sinah ka hlut lai. Kan tei ve hna si cun $5,000 CDF sinah nan hlut ve lai. Mah nan ngamh lo cun. Ka min rak chim tuk rih hlah uh, powerlifting ka tuah lio asi,” tiah vanrangtang Laipa vialte a singkhaw hna.

Biak Hmun Sang nih, “Rung Lian Ceu nih Lai Pa a ka ngamh mi nan um ah cun $5,000 in ka singkhaw uh ti mi cung ah ka upat. Keimah nih $5,000 in kan singkhaw,” tiah a singkhaw nak kong cu a Facebook ah thawng a thanh colh.

Biak Hmun Sang nih avoi 6nk WPC champion a co lio | 2020

“Atu lio a ṭhawng bik mi Lai Pa na si caah tei kan duh i kan singkhaw. August 21 paih tuah ding ah nangmah he i paih ding ah kan singkhaw. Atu dollar 5,000 zong hi ka kut cung ah um i ready in paih lei in ṭuanvo la tu sinah pek ding ah ready ka si. Na ka colhlan le cohlan lo comment ah ca rak ka let te. Ka lawm. Rak share cio uh,” ati.

Rung Lian Ceu nih, “Biak Hmun Sang, OK. Ka ready tuk,” tiin comment ah a leh colh.

Ho Dah Na Zumh Deuh?

Rung Lian Ceu

Nunnak thap in Kawl Ralkap a dotu Chinland Defense Force (CDF) caah August 21, 2021 ah US ram ah Lai paṭhawng pawl nih paih in tangka an kawlpiak hna lai.

Mah tik cun Rung Lian Ceu le Biak Hmun Sang cu $5,000 thap in an i phomh/pai lai.

US ram Chinmi tambiknak khuapi Indianapolis um Indiana Chin Baptist Church (ICBC) Hall ah an i phomh lai.

Biak Hmun Sang nih avoi 6nk WPC Heavyweight Champion a co

Rung Lian Ceu maw na zumh deuh asiloah Biak Hmun Sang dah? Na zumhmi comment ve….

Hoho an vai i tei hmanh ah, a sungmi nih CDF caah $5,000 hlut dingin bia an i kammi nih hin kan miphun an dawtnak a langhter caah uar an um tuk. An thiamnak, an ṭhawnnak le anmah tangka bak ram le miphun caah an hman caah upat an um tuk.

Pasal Biak Hmun Sang nih a singkhaw nak tangka cu paih upa sinah a ap cang
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...