23.7 C
Hakha
Thursday, June 24, 2021
- Advertisement -

Ṭial Tharmi

CBCUSA nih Media a Dirh, an Page LIKE Ve

Chin Baptist Churches USA (CBCUSA) nih ramchung ramleng Pathian rian a ṭuanmi thawngthanhnak caah media a dirh.

Media cu;

  1. Zarh fatin thawngthanhnak
  2. Thawngṭha i hrawm ṭinak
  3. Hla saknak
  4. Interview
  5. CBCUSA nih ramchung ramleng Pathian rian a ṭuannak vialte le
  6. Chin miphun tuanbia hna a dotdot tein thlah lengmangnak caah a dirhmi si.

Media team hruaitu hna cu;

  1. CBCUSA GS Rev. Dr. Thlaawr Bawihrin = hruaitu
  2. Rev. Dr. Chan Thawng Lian = hruaitu bawmtu
  3. Salai Lian Thawng = Director le
  4. Lai Kam Thang = Production Manager hna an si.

CBCUSA cu kum 2004 ah khrihfabu 6 in dirhmi asi nain, atu cu khrihfabu 112 an um cang. A minung in thong 32 an si cang.

CBCUSA nih Myanmar ram ah a ṭuanmi pawl

“CBCUSA nih kan i tinh bikmi cu kan Chin ram caah zei dah kan tuah khawh lai” timi hi asi, tiah GS Rev. Dr. Thlaawr Bawihrin nih a chim.

“CBCUSA kan thokka in atutiang ah missionary minung 103 kan thlah cang hna. Ngandamnak le sii lei in Pathian thawngṭha chimtu minung 25 kan thlah rih hna. An dihlak 128 an si cang.

Minung 189 Sianginn a Kaiter Hna

“Chin miphun hi fimthiamnak lei zongin ṭhangcho usih ti kan duh caah 2014 in; Gangaw, Mindat, Kanpetlet le Paletwa um sianginn a kai kho lomi pawl kha Hakha ah Tang 8 in Tang 10 tiang kan kaiter hna.

“Atutiang ah sianginn kan kaiter mi hna hi 189 an si cang. Cu chungah 69 cu Tang 10 an awng cang. College a kai liomi 51 an si, sibawi a kai liomi 3 an i tel.

“Chin miphun hi Khrihfa si dih usih ti kan duh caah Rakhine um Chin miphun sin zongah 2020 in minung 16 missionary kan thlah hna.

“Rakhine um kan Chinmi zong hi fimnak lei ah ṭhangcho hna seh ti kan duh caah Hakha ah sianginn kan kaiter hna.

Chin Education Center

“Fimnak cu miphun a himtertu le a ṭhachotertu si caah kan miphun fimnak ngeihter hi CBCUSA nih biatak tein aa hmaithlak mi asi.

“Cucaah, Chin Education Center hi Paletwa, Samee, Gangaw le Hakha kan ngeih cang hna. Gangaw ahcun ṭaih inn dot 2 in kan sak lio si i a rauh hlan ah kan lim cang lai.

“CBCUSA cu;

  1. Chin miphun dihlak Khrihfa kan si khawhnak hnga
  2. Chin miphun fimnak lei ah kan ṭhancho khawhnak hnga
  3. Chin miphun sinak (identity) a himnak hnga le
  4. Chin miphun nih mahte khuakhan lairelnak kan ngah khawhnak hnga biatak tein aa hmaithlakmi bu asi.

“Bangladesh le India um kan Chin unau hna ca zongah rian nganpi a ṭuan pengmi kan si.

“CBCUSA a nun tertu le a ṭhawn tertu cu US um Chin khrihfabu pawl le pumpak bawmtu hna hi nan si,” ati.

Ka hin an Facebook Page “Chin Baptist Churches USA” like a duhmi nih like khawh asi.

Tuni ah mi tambik nih an relmi pawl hi rel ve hrimhrim hna:

  1. UN nih “COVID-19 kakuaisi chunhnak caah syringe ting thong 10 ka khon lai” a ti
  2. Australia Hluttaw ah Pu Henry Van Thio kong an chim
  3. Malaysia ah Salai Lian nih Mual a Kan Liamtak
  4. Indiana University Pakhat ah Laica Cawn Khawh a Si
  5. UNHCR Malaysia nih Bawmhnak Rak Sok Uh a Ti
  6. CBN nih Sui Hlei Tial bulhnak tangka ting 21 a kuat
- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -