CBCUSA nih Kawlram CDM caah tangka 28 million kyats a hlut

US um Chin baptist khrihfabu 112 i funtomnak bu Chin Baptist Churches USA (CBCUSA) nih semnak Kawlram ralkap duhlo langhternak caah tangka ting 280 ($20,000) a hlut.

‘Tangka cu kan kuat cang’ tiah CBCUSA Youth Department nih a thanh.

Hmai zarh le thla dongh zongah kuat chap rih an timh i khrihfabu kip sinah tlawm an hal lio asi rih.

US Chin baptist khrihfabu pawl (CBCUSA) hi Chin miphun caah an ṭuanmi a tam taktak. Malaysia um Chin refugee pawl fimcawnnnak CSO zong $5,000 an rak bawmh.

Chin ram, Paletwa peng ralzaam pawl zong $200,000 leng dih in an bawmh hna.

Hakha ah mizaw phurhnak motor ambulance an hlut.

Chin ram le Kawlrawn um Chinmi 180 leng sianginn an kaiter hna. Sianginn zong an sakpiak hna. Adang zong an tuahmi a tamtuk rih, chim cawk ding asi lo.

Chin khrihfabu tampi cu zum lotu hna sinah mission thlah lawng kan hngalh i kan member le kan miphun (kan tuu run) zohkhenh le sersiam kan philh tawn.

Kan member le kan miphun himter, ṭhanchoter le fimnak cawnter hi khrihfabu rian nganbik asi ve. CBCUSA hi khrihfabu kip caah zohchun awktlak taktak asi. Lam hla deuh kan zoh ahcun Catholic hi zohchun awktlak taktak an si.

Civil Disobedience Movement Bawmhnak – CBCUSA Youth Department 

Bawipa zaangfahnak thawngin CBCUSA Youth Department min in $20,000 kan ram CDM cawlcanghnak caah kuat a si cang.

Hmaizarh le thla dongh ah kuat kan i tim than i fund kan kawl ning cu a tang lei hmanthlak bantuk in a si.

1) Khrihfabu member zoh in local mino department cio in thawh a si lai. 

2) Pumpak cio in mino rian a tuan mi nih a tlawm bik $100, a tuan lomi nih a tlawmbik $50 nan mino upa sin nan rak peknak lai kan in nawl hna.

CBCUSA member a si lo mi zong i tel khawh a si — atang lei zelle in direct in kan treasurer sin kuat khawh a si. 

Kan ram CDM ah a cawlcang mi hna tan rak la ko u, kan in dirkamh ko hna hih!

CBCUSA Youth Department 
cbcusamino@gmail.com

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...