16.7 C
Hakha
Thursday, June 17, 2021
- Advertisement -

Ṭial Tharmi

CBCUSA nih Chinmi 180 Leng Sianginn a Kaiter Hna

Chin Baptist Churches USA (CBCUSA) nih;

  1. Sianginn kai kho lo Chinmi 189 bak Hakha ah sianginn a kaiter hna
  2. Paletwa, Samee, Gangaw le Hakha ah sianginn a sak
  3. Ram mui ah minung 128 missionary a thlah
  4. Rakhine, Bangladesh le India um Chinmi a bawmh hna

CBCUSA cu kum 2004 ah khrihfabu 6 in dirhmi asi nain, atu cu khrihfabu 112 an um cang. A minung in thong 32 an si cang.

(1) Minung 189 Sianginn a Kaiter Hna

“Chin miphun hi fimthiamnak lei zongin ṭhangcho usih ti kan duh caah 2014 in; Gangaw, Mindat, Kanpetlet le Paletwa um sianginn a kai kho lomi pawl kha Hakha ah Tang 8 in Tang 10 tiang kan kaiter hna,” tiah CBCUSA General Secretary Rev. Dr. Thlaawr Bawihrin nih a chim.

“Atutiang ah sianginn kan kaiter mi hna hi 189 an si cang. Cu chungah 69 cu Tang 10 an awng cang. College a kai liomi 51 an si, sibawi a kai liomi 3 an i tel.

(2) Paletwa, Samee, Gangaw le Hakha ah sianginn a sak Chin Education Center

“Fimnak cu miphun a himtertu le a ṭhachotertu si caah kan miphun fimnak ngeihter hi CBCUSA nih biatak tein aa hmaithlak mi asi.

“Cucaah, Chin Education Center hi Paletwa, Samee, Gangaw le Hakha kan ngeih cang hna. Gangaw ahcun ṭaih inn dot 2 in kan sak lio si i a rauh hlan ah kan lim cang lai.

(3) Rammui ah minung 128 missionary a thlah hna

“CBCUSA nih kan i tinh bikmi cu kan Chin ram caah zei dah kan tuah khawh lai” timi hi asi, tiah GS Rev. Dr. Thlaawr Bawihrin nih a chim.

“CBCUSA kan thokka in atutiang ah missionary minung 103 kan thlah cang hna. Ngandamnak le sii lei in Pathian thawngṭha chimtu minung 25 kan thlah rih hna. An dihlak 128 an si cang.

“Chin miphun hi Khrihfa si dih usih ti kan duh caah Rakhine um Chin miphun sin zongah 2020 in minung 16 missionary kan thlah hna.

(4) Rakhine, Bangladesh le India um Chinmi a bawmh hna

“Rakhine um kan Chinmi zong hi fimnak lei ah ṭhangcho hna seh ti kan duh caah Hakha ah sianginn kan kaiter hna.

“Bangladesh le India um kan Chin unau hna ca zongah rian nganpi a ṭuan pengmi kan si.

“CBCUSA cu;

  1. Chin miphun dihlak Khrihfa kan si khawhnak hnga
  2. Chin miphun fimnak lei ah kan ṭhancho khawhnak hnga
  3. Chin miphun sinak (identity) a himnak hnga le
  4. Chin miphun nih mahte khuakhan lairelnak kan ngah khawhnak hnga biatak tein aa hmaithlakmi bu asi.

“CBCUSA a nun tertu le a ṭhawn tertu cu US um Chin khrihfabu pawl le pumpak bawmtu hna hi nan si,” ati.

Tuni ah mi tambik nih an relmi pawl hi rel ve hrimhrim hna:

  1. UN nih “COVID-19 kakuaisi chunhnak caah syringe ting thong 10 ka khon lai” a ti
  2. Australia Hluttaw ah Pu Henry Van Thio kong an chim
  3. Malaysia ah Salai Lian nih Mual a Kan Liamtak
  4. Indiana University Pakhat ah Laica Cawn Khawh a Si
  5. UNHCR Malaysia nih Bawmhnak Rak Sok Uh a Ti
  6. CBN nih Sui Hlei Tial bulhnak tangka ting 21 a kuat
  7. CBCUSA nih Media a Dirh
- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -