16.8 C
Hakha
Sunday, August 1, 2021
- Advertisement -

Ṭial Tharmi

California Palek Tinṭan Kaimi 33 Covid-19 an Ngei

US – Kan sakhan ah palek tinṭan a kaimi 33 Covid-19 zawtnak an ngeih caah tinṭan kan ngol chung, tiah California state um San Bernardino County palek sakhan nih Nilini ah thawng a thanh.

Tinṭan a kaimi pakhat Covid-19 zawtnak a ngeih cangka in tinṭan a kaimi 160 cu an dihlak in an test hna i 33 bak zawtnak an rak ngei, tiah Los Angles Times tadinca nih a ṭial.

Mah ruangah sakhan ah tinṭan pek cu lawlawse a ngol chung. Video in a langtlang in tinṭan cu pehzulh a timh.

Palek sakhan biachimtu Jodi Miller nih, “tinṭan kaimi hohmanh an taklin lo. Zawtnak a ngeimi tinṭan kai pawl zong cu hmun dangah zarh 1 chung an um lai i a langtlang in tinṭan cu an peh ko lai,” tiah a chim.

Tinṭan kaimi pawl cu ni fatin te inn in palek sakhan ah tinṭan kai an kal peng caah lampi ah lenglei mi pakhat nih a chawnhmi hna zong asi kho men.

Miller nih, “tinṭan kaimi pawl cu thianghlim tein an um peng ko. Palek sakhan zong atu le tu kan thianh i tinṭai mi pawl zong ni fatin an taklinh kan tah hna. Tinṭan an kai lio zongah mask an i hruk,” tiah a chim.

San Bernardino County ah Covid-19 zawtnak aa chawnmi dihlak 230 an si cang. Nilini zongah mizaw thar 414 an hmuh hna.

Company le dawr vialte an on ṭhan thluahmah hna caah zawtnak a karh thluahmah i California state cozah lutlai Gov. Gavin Newsom nih, “mipi lak nan um paoh ahcun mask nan i hruk peng lai” tiah nawl a chuah.

California state ah zawtnak aa chawnmi dihlak ting 1 le thong 67 leng (167,085) an si i 5,355 an thi cang. — Fox News

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -