16.3 C
Hakha
Thursday, June 17, 2021
- Advertisement -

Ṭial Tharmi

“Bye-bye Tucker Carlson!” Company pawl nih Fox News Show an Hlawt

Laimi, ahlei in Trump uartu pawl nih US media vialte lakah an uar bikmi Fox News thawngchimtu Tucker Carlson cu company tumtlang 3; Disney, T-Mobile le Papa John’s Pizza nih an hlawt ruangmang.

Tucker Carlson nih TV ah sandahpiahnak kong a chim lio ah, “Black Lives Matter sandiah piahtu pawl nih an in rat hnawh te lai …,” tiin Black Lives Matter huatnak le thangchiatnak a chim caah company tumtlang 3 nih amah sin cawngia an duh ti lonak hi si.

Media pawl nih TV in tangka an hmuhnak hrampi cu company cawngia asi. A cunglei langhtermi company 3 lebang cu thla fatin cawngia nak caah dollar million tampi lengmang a hmangmi an si. Tucker Carlson rianṭuannak in Fox News nih a hmuhmi tangka a zor chiahru lai tinak asi.

T-Mobile CEO Mike Sievert nih, “Bye-bye Tucker Carlson, minak thleidannak donghter dingin aa zuammi Black Lives Matter sandiahtu pawl na serhsat hna caah nangmah show ah kan company cawngia pakhat hmanh chiah ti lo dingin bia kan khiah cang,” tiah Twitter ah a thanh.

“May thla thokin Fox News media i Tucker Carlson show ah T-Mobile company cawngia pakhat hmanh kan chia ti lo. Hmailei zongah kan chia ti lai lo. T-Mobile nih cun miphun nautat a dotu lawng tha kan pek hna lai,” ati.

Papa John’s Pizza company nih, “Fox News media i Tucker Carlson show he pehtlaihnak kan chah cang. Tucker Carlson bantukin TV ah mah ruahnak menmen chim a hmangmi show dang pawl zong pehtlaihnak kan chah thluahmah hna,” ati ve.

Disney company zong nih, “Fox News i Tucker Carlson show ah kan company thil pakhat hmanh kan cawngia ti lo,” tiah Popular Information media sinah a chim ve.

Fox News biachimtu nih, “a dikmi si ko. Mah company cawngia vialte cu Tucker Carlson show in kan lak dih hna i show dangah kan chiah hna. Tucker Carlson show ahcun kan cuanter ti hna lo nain show dangah kan cuanter hna caah tangka cu kan sung hlei lo,” tiah CBS MoneyWatch sinah a fehter.

Fox News chimtu Tucker Carlson nih cawngia tampi a sungh hi atu lawng si ti lo. December 2018 zongah Tucker Carlson nih, “phungninglo in US a lutmi mipeem pawl nih US ram a si an fahter chin i an hnawmhter chin” tiin TV ah a rak chim caah company tampi nih a show ah cawngia an rak ngol.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -