Breaking News: Yangon ah sandahpiahmi ralkap motor in an pah rial hna i minug 4 thi

- Advertisement -

Thawngpang thar: Minung 5 an thah hna, tiah fehter asi cang. Hmasa ahcun minung 4 an thah hna tiin theih asi nain atu cun minung 5 an thah hna, tiin an fehter cang. Atanglei hi hmasa kan ṭialmi asi.

Tuni December 5 zingka ah Yangon ah ralkap duhlonak sandahpiahmi mipi cu ralkap nih motor in an pah rial hna i 4 an thah hna.

Tu zingka 8am hrawngah Yangon ramṭhen, Kyimindaing khua ah sandahpiahmi pawl cu uknak firtu Myanmar ralkap nih ralkap motor in an pah rial hna pinah meithal in an kah chih hna.

Minung 3 cu a hmun ah an thi colh.

Mino pakhat cu meithal in an kahnak hma in a thi tam tuk chuah hnu ah a thi ve.

Thawngla telh in minung tam nawn an tlaih hna. An tlaihmi nu pawl cu fak taktak in an velh hna hnu ah an kalpi hna.

Thil zong hrawh lo le buainak zong chuahpi lo tein zalam cungah duhmi le duh lomi langhter cu minung covo (nuhrin covo) asi, hi bantuk ruang te hna i meithal in kah le motor in rial thah cu thinlung nih a celh hrimhrim lo.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...