Nihin December 8 zaanlei Thantlang khua chung kahdohnak ah CDF minung 3 nunnak a liam i 4 hliamhma an pu, tiah kan theih.
A nunnak liammi CDF 3 cu;
- Ram Lian Peng (Hriangkhan khuami)
- Bawi Za Uk (Thantlang Sianginn sang) le
- Van Tha Ceu (Thau) an si. Van Tha Ceu kong balte hi a fiang tuk rih lo.
Atu mah ca kan ṭial lio Kawlram caan 9:30pm tiangah, a nunnak liammi 3 ruak hi lak khawh asi rih lo.
Thantlang inn zong an kangh cuahmah liopi asi. Inn zeizat dah a kaang ti balte theih asi rih lo. Nizaan tihni December 5 tiang ahkhan Kawl Ralkap nih Thantlang inn 530 an khangh cang.
Ref: The Hakha Times le Federal Times
Nawlpatnak: A cang liomi thil asi caah tlai deuh ahcun thil sining aa thlengmi a um te kho. Min zong palh sual khawh asi caah kan remh/chap ṭhan te lai.
