Breaking News: CNF le Kawl Ralkap an i kap cang

- Advertisement -

CNF biachimtu Salai Htet Ni nih, “Kan kah cang hna,” tiah a FB ah a ṭial.

An kahnak hna hi Hakhathar le Chuncung karlak ah asi. Falam in a rami ralkap dong dingin Hakha in aa thawhmi ralkap motor pawl kha Hakha in an chuah tlawmpal ah an kah hna.

Falam le Hakha kar ummi Lungpi, Thlanrawn, Taal le Tlangzar khuami vialte an zaam dih hna, tiah Zalen nih a thanh ve.

Tuni ah Kawl Ralkap nih Lungpi khuami pa pawl cu ralsa-tarh dingah an tlaih hna nain atu cu an thlah ṭhan cang hna, tiah Cung Ngai nih a chim.

Hi hna pawl hi tu zingka ah motor 6 le tank 2 in Falam in Hakha lei ah a kalmi an si.

10:45am hrawngah Lungpi khua an phan.

Nizaan ahkhan Kalaymyo lei in a rami Kawl Ralkap 700 hrawng cu raltuknak tank 2 le motor 61 in Falam khua an phan.

An rat pah in lampi ah Falam peng Tuphei khuami 2 an kah thah hna. Lo a thlomi pakhat zong a khuk ah an kah. Hmet law relchap khawh asi.

Kawl Ralkap pawl tu zingka ah Falam in Hakha lei an kal lio – Photo: Zalen

Kawl Ralkap motor 90 in Mindat khua an phan

Tu chun 12pm hrawng ah Pakokku-Kyaukhtu khua in Kawl Ralkap 1,000 leng cu motor 90 leng khat in Mindat khua an phan ve.

Thantlang peng, Tlanglo khuataw ah ummi CNF zunglubik Camp Victoria sakhan lak dingin a rami an si. CNF le CDF kut in Chin ram lak dingin a rami an si, tiah a zaammi Kawl Ralkap nih an chim.

Zahan zaanlei kha Thantlang peng CNF sakhan pawngah Kawl Ralkap vanlawng an zuang len cang. Hmet law relchap khawh asi.

Kyaukhtu khua in Mindat lei a rami Kawl Ralkap
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...