17.2 C
Hakha
Monday, July 26, 2021
- Advertisement -

Ṭial Tharmi

Bolton nih President Trump a Rawi — Ramdang Vuanci Pompeo

Pu John Bolton nih President Trump a rawi, tiah US Ramdang Vuanci Mike Pompeo nih a chim.

President Trump ruahnak petu hlun Pu John Bolton nih cauk a chuahmi ah Trump cu fak taktak in a soisel i thil ṭha lo tampi tuah a puh. Nizaan zongah “Trump cu president ṭuan dingah a tlaak lo” tiin ABC News interview ah a chim.

Mah ruangah Pu Pompeo nih “Bolton cu mi rawitu asi. America mipi nih an zumhnak kha ningcang loin a hman i America a hrawh. A tuahsernak hi rawiphiartu tuahsernak asi” tiah fak taktak in a phomh.

Pu John Bolton nih cauk a chuahmi cu “A Cannak Khaan: White House Dairy” tiin khaungsin a bunh. Cahmai 577 a chah. Trump rianṭuan ning soiselnak le thangchiatnak lawngte asi. Trump cu ruahnak petu pawl zong nih an upat lo ti phun tiangin a ṭial.

2018 ah Trump le North Korea hruaitu Kim Jong-un an i ton lio ah, Trump cu Pompeo nih cakuat in a phomh len “ek lawngte in a khat” ti hna cakuat chungah a ṭial, tiah John Bolton nih a cauk chungah ahcun a ṭial.

“2019 ah Trump le China president Xi Jinping an i ton lio zongah, a ra laimi thimnak ah teinak hmuh dingin ka bawm tiin Trump nih bawmh a hal” ti zongin a ṭial.

US Cawhlehnak Lutlai Robert Lighthizer nih “Bolton nih a ṭialmi pawl hi an dik naisai lo” tiin Hluttaw Sang ah a chim.

“Meeting lio ah ka um ve. Meeting lio ah Trump nih China President bawmh a hal neem maam lo. Hruh bia asi,” tiah a chim.

President Trump nih, “Bolton cauk cu lihhrokhrawl le ṭawncop tuanbia khomhsuatmi asi. Bolton cu uico fate a zawmi asi aa hngalhnak ah ka phuahmi a lungfak i lehrulh cham aa zuam ko hih!” tiah Twitter in Bolton cu a phomh.

Biaceihzung an phan

Bolton cauk ah cozah thlithup aa tel caah lawlawse chuah rih lo dingin kham tiin White House nih biaceihzung a hal.

Cauk cu Nihnihni ah chuah a timhmi si. Kudawng khat in a pon cang. Media sin zongah a kuat cang hna i atu bantukin an ṭial len hi si.

Tuni ahhin Washington um U.S. District Court nih bia a ceih lai.

“Cozah thlithup phuan lo dingin bia aa kammi Bolton nih a buar. Cauk a chuah hlan ah cozah thlithup aa tel/lo check dingin cozah sinah a ap hmasa lo” tiah White House nih biaceihzung ah a chim.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -