24.4 C
Hakha
Saturday, February 29, 2020
More

    ‘Bogyoke Aung San’ a cuangmi tangka 1,000 ca an chuah cang lai

    Follow Us

    99,932FansLike
    441SubscribersSubscribe

    Ṭial Tharmi

    - Advertisement -

    Myanmar tangka a print tu ‘Central Bank of Myanmar’ nih 2020 January 4 in Aung San hmanthlak a cuangmi tangka 1,000 ca a chuah cang lai, tiah Myanmar cozah thawngthanhnak MRTV nih a thanh.

    1,000 ca a hmailei ah Aung San hmanthlak a cuang i a kam ah Kawlca in “1000 kyats” ti an ṭial. A hnulei ahcun Hlutdaw hmanthlak a cuang. Tangka color u apia (blue) deuh lawngte asi.

    150mm sau le 70mm kau in an chuah lai. A cunglei ah “Central Bank of Myanmar” timi an ṭial. A kil 3 ah ‘1000’ an ṭial fawn.

    Mah hmanthlak bantuk te hin an chuah lai — Aung San a cuannak hi a hmailei, Hlutdaw Inn a cuannak hi a hnulei si

    Security la cu a tung in an rawn.

    Aung San a cuangmi tangka chuah dingin biatung an rak dirhmi cu 2017 ah Hlutdaw nih a cohlan caah atu bantukin chuah taktak an hung timh hi si.

    Atu lio hmanmi tangka 1,000 ca pawl zong an thi lai lo. Pehzulh in hman peng khawh ṭhiam an si ko lai, tiah Myanmar Cozah Thawngthanhnak Vuanci Zung nih a thanh.

    Kawlram ah atu lio an hmanmi tangka pawl cu;

    • 50 ca
    • 100 ca
    • 200 ca
    • 500 ca
    • 1,000 ca
    • 5,000 ca le
    • 10,000 ca an si.
    Kawlram tangka vialte a print/chuah tu Central Bank of Myanmar (cozah bank)

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.