16.3 C
Hakha
Sunday, August 1, 2021
- Advertisement -

Ṭial Tharmi

Bill Gates nih US President-thimmi Joe Biden a Lawmhpi

US President-thimmi Joe Biden le Vice President-thimmi Kamala Harris cu vawlei cung mirum bik 2nak simi Pu Bill Gates nih Twitter in a lawmhpi hna.

“President-thimmi Biden le Vice President-thimmi Harris kaan lawmhpi hna,” tiah Bill Gates nih Twitter ah a ṭial.

“Hi tlukin kan ram nih harnak kan ton lio ah American tam taktak mee a thlak ter khotu mee pek sawmtu phu rianṭuan le mee a reltu mee zung rianṭuan nan dihlak cungah kaa lawm.

“A karh cuahmahmi pulrai zorter dingin, cozah thar le kap hnih Hluttaw hruaitu hna he rianṭuan ṭi lai kaa ngaih ko.

“Sifah le khuati thlen kong zongah cozah thar le kap hnih Hluttaw hruaitu hna he vawlei cung kan ṭuan hawi pawl pehtlaih ṭi hna lai kaa ngaih ko,” ati.

Bill Gates, kum 65 cu COVID-19 pulrai doh kongah President Trump he an i hmu thiam pah lo.

COVID-19 in US rammi ting 97 (9.7 million) an zaw cang i ting 2 le thong 36 an thi cang.

May thla ah Bill Gates a nupi Melinda Gates nih, “COVID-19 pulrai doh kongah rampi cozah (federal government/Trump acozah) a chanbau tuk. Mah ruangah minung nunnak tam tuk kan sung,” tiah a rak chim.

President-thimmi Joe Biden le Vice President-thimmi Kamala Harris nih teinak bia an chim lio video

Tangka $118 billion a ngeimi Bill Gates cu March thla ah Microsoft company board of directors rian in aa dinh hnu in a thazaang, chawva le caan tampi mipi ngandamnak caah a hmang. A chawva tampi a hlut.

April thla dongh lai ah an nuva dirhmi Bill & Melinda Gates Foundation in COVID-19 dohnak caah tangka $150 million an hlut chap. Hmasa an hlutmi he cun $250 million asi.

An hlutmi cheukhat cu Vawlei Ngandamnak Bu (WHO) nih a hman lai.

Tu kum thokka ah President Trump nih WHO bawmhnak a phih lio zongah Bill Gates nih lungfak tukin “Trump nih WHO bawmhnak a phihmi hi vawlei mi vialte kan ngandamnak caah ṭihnung tuk asi” tiin a rak mawhchiat len.

Naite zongah, Bill Gates nih, “pulrai ruangah vawlei cung ramkip ah sipuaizi a tla tuk lai, dollar trillion tampi a zor lai” a ti i US sipuaizi on ṭhan ning simanking a suai len.

Bill Gates hi vawlei cung mirum vialte lakah sifak le mipi damnak caah chawva tambik a hlutu asi. Amah nakin rum deuhmi Jeff Bezos cu mipi caah a hlutmi um huaha lo pinah tax pek tiang a hrial peng i 2017 ah rampi tax fang khat taktak hmanh a pe lo.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -