Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko.

Thil thar sertu le sipuaizi thlengtu pawl he rian a ṭuanṭi lengmang, cun hmailei minung khuasaktintuknak kong cauk a rel peng. Mipi caah thilṭha a chuah tertu ding rian pawl zongah tangka a hlut.

Mah vialte a tuahmi charhchan in hmailei kong a chimmi cu, mah 3: Science, Engineering le Sipuaizi a thiammi pawl cu hmailei ah herh bikmi an si te lai, ati.

Mah 3 a thiammi pawl nih hin minung khuasaktintuknak, sipuaizi, tbk zeizong vialte an thlen dihte lai, tiah LinkedIn Executive Editor Daniel Roth sinah a chim.

“Hmailei rian tampi cu science, math le economic thiam a herhmi an si te lai tiah ka ruah.

“Coding le periodic table na thiam tuk lo hmanh ah, a thiam taktakmi pawl nih zeitin dah khua an ruah ti hrawnghran a ruat kho na si ahcun, mahte hmanh nih cun hmailei ah an bawmh tuk lai,” ati.

Kawlram ahcun cathiam tampi nih ‘sipuaizi (economic/bawkah)’ hi an cawng duh lo. Science bataṭuai Biology lawngte an cawng. Ramdang ahcun sipuaizi (BBA, MBA, Accounting, Commerce) degree a hmumi pawl hi an herh tuk hna. Kawlram zong a ṭhancho ahcun mah degree a lami pawl caah rian a tampi te lai.

Biology (Science bataṭuai) a ṭha lo ka tinak si lo. A ṭha tuk ko. Bill Gates nih a chimmi Science, Engineering le Math khi Kawlram ahcun Biology (science bataṭuai) asi.

Nain, cathiam pawl nih bawkah an lak duh lomi, a niam tukin an hmuhmi hi a dik deuh lo. Ramdang zongah cathiam tampi cu science bataṭuai (Science, Technology, Engineering, Math silole a tawinak in STEM) an la ko nain, cathiam pipi sipuaizi a lami an tampi ve.

Atu lio cun, coding (Software engineering, programming, tbk) Accounting, Marketing, Finance, Economics, tbk degree a hmumi pawl caah rian ṭha hmuh le rum a fawi cem.

Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Chin ralkap nih Myanmar ralkap 3 an thah hna

Zotung pengah uknak firtu Myanmar ralkap 3 kan thah hna, tiah CDF-Zotung nih a chim. "Matupi khua in raltuk...

UNHCR Card/Catlap thlen kong – Malaysia

Kum 2020 le 2021 chungah UN card/catlap nithla a dihmi pawl rianrang deuh in thlen piak hna dingin...

Sawmnak: CNA ralkap caah phaisa kawlnak bawlung puai an tuah lai

CNF Malaysia nih CNA ralkap caah phaisa kawlnak bawlung puai kan tuah lai caah Malaysia um Chinmi vialte...

CNA ralkap caah Malaysia um Matupi nih RM2,000 an hlut

Malaysia um Matupi kan unau hna nih CNA ralkap caah RM2,000 an hlut. CDF-Matupi Battalion 2 Cingtlang Bawmtu...