15.1 C
Hakha
Monday, June 21, 2021
- Advertisement -

Ṭial Tharmi

Biden nih Vice President caah Kamala Harris aa Thim

Democratic party in president aa cuhmi Pu Joe Biden, kum 77 nih Vice President in a cuhpi tu dingah Pi Kamala Harris, kum 55 a thim cang.

Pu Joe Biden cu a ra laimi November 3 thimnak ah Republican party in Pu Donald Trump he president aa cuh ding asi.

Pi Kalama Harris cu India le Jamaica (Asia le Africa) kahpia asi. A pa hi Afro-Jamaican asi. A nu (tleicia) cu India ram Chennai khua ah a chuakmi si.

California state aiawh in Rampumpi Hluttaw Sang (Senate silole Amyotha Hluttaw) ah Senator/MP a ṭuan liomi si. African American le Asian American chungin Vice President in cuhpi tu dingah thim hmasa bikmi asi.

Senate cu Hluttaw Sang asi i Myanmar ram ahcun Amyotha Hluttaw he aa khat. Senator cu Amyotha Hluttaw MP he an i khat.

Democratic party chungah president aa cuh ding thimnak tuah lio ah Pi Kamala Harris hi hmaisuang a rak si ve.

Joe Biden nih Trump a tei ahcun Vice President a tuan ding

Pu Biden nih “Vice President in aa ka cuhpi tu dingah Pi Kamala Harris ka thim…” tiin Nihnihni ah thawng a thanh cangka in Pi Harris nih Twitter ah ca a ṭial colh ve.

Pi Harris nih, “Pu Biden cu a nunchung kan caah rianṭuan pengmi asi caah American mipi a kan funtom khawh lai. President asi ahcun, kan lungthlitum ning tein America ram a ser khawh lai.

“Kan party biakhiahnak bangin lunglawm tein Vice President in ka cuhpi lai, i kan ram ralkap lutlai asi khawhnak hnga a herhmi paoh ka tuahpiak lai,” ati.

US le democracy ram pawl ahcun President nih ralkap a uk chih. Myanmar ram i Min Aung Hlaing rian khi ram mipi thimmi president nih a kemh chih.

Pu Biden le Pi Harris cu tu chun hi Delaware state i Wilmington khuami sinah vote kawl biachimnak an ngei lai. “Kan ram nunnak lak ṭhan in rianṭuan American mipi caah thilṭha tuah i kan ram hmainor ter” timi tlangtar in bia an chim lai, tiah Pu Biden vote kawlnak phu nih a chim. — BBC English

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -