Benjamin Sum nih “MMID winner cu nu nih ngah seh ti ka duhpiak hna” ati

- Advertisement -

Myanmar Idol Season 4 winner asi te men lai tiah mi tampi nih an zumhmi khuaruahhar aw ngeitu Benjamin Sum nih zahan zaan Top 4 + Tan Khun Kyaw zuamnak tuah lio ah “winner cu nu nih ngah seh ti ka duhpiak hna” tiah a chim.

Atu cu nu 2; Aye Mya Phyu le Esther Dawt Chin Sung lawng an tan cang caah anmah 2 lak ah pakhat paoh nih ngah hna seh ti a duhpiak hna, ti khawh asi.

Ruahnak ṭha ngeitu tlangvalno nih, “minung cu ahopaoh thil pakhatkhat kan tuah tikah pakhatnak si kan i tinh cio. Myanmar Idol ahcun winner henta. Kei zong winner si cu kaa tinh ve ko.

“Sinain, hmailei ah hlasak hi zeitin dah ka pehzulh khawh lai timi tu ka ruat deuh.

“Biakhiaktu 3 nih an chim bang, a kan sersiammi minung 11 hi a thiamtuk ciomi an si hna. Kan i chuahpi mi pahrang zong kan ngei cio. Mah ruang cun, aho paoh hi winner ngah hna seh ti ka duhpiak dih hna.

“Keimah duhnak ahcun, nu nih ngah hna seh ti ka duhpiak hna. Zei ruang ti ahcun, pa ahcun Moo Ler ka zoh tikah amah tein a dir kho lai ti ka zumh. Kei zong teirial in hmailei lamthluan ah ka kal peng ko lai.

“Nu nih winner an ngah ahcun an caah san a tlai deuh lai tiah ka ruah.

“Ka lei ah a ṭang zungzalmi Summers nan cungah kaa lawm tuk hringhran. A ṭha bikin kaa zuam zungzal ko lai,” tiah a chim.

Tin Zar Maw nih, “nu nih ngah seh ti ka duhpiak hna na timi dawtnak lungput na ngeihmi kha a biapi bikmi asi,” tiah lungtling ngai in a comment.

Benjamin cu a aw, mui le pumrua ṭhat lawng si loin a lungput hrim a rak ṭha taktak. Vawlei kil 4 in Chin nungak pawl nih an i thihpi dengmi hi an rak mawh hin lo.

A tla cangmi 7 chungin Wild Card in minung 1 an auh ṭhan zarh asi caah tuzaan cu minung 2 an tla lai. Ho le ho dah an tla lai tiah na zumh?

Ṭial Tharmi

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...

Australia Citizen Soknak Thawngpang Thar

Tu kum November thla tanṭim in cun rammi sinak test (phitnak) ah Australia ram sunsakmi nunphung kong telh a si cang lai. 
- Advertisement -