Benjamin Sum nang cu kan caah a thaw tukmi blueberry Maffin he nan i lo: Tin Zar Maw

- Fakthanh -

Tuzaan Benjamin Sum hlasak cu voi dang tawn bang a mak tthiamtthiam ko.

“Benjamin nang na thiamnak cu phundang te a simi na aw kha usapek in zeibantuk hla a rat zongah nangmah style chuak kho dingin na sak khawh. Na thinphang tukmi ka hmuh. Nain, mahtluk cun na thinphan awk si lo.”

“Verse ahkhan awttumnak zawn i na awchuah dan kha a ngan, a tthawng i base aa dawh tuk i ka uar tuk. Chorus a sannak na sak zong ahkhan na aw phundangte kha lang kho dingin na sak khawh.”

“Minung cu kan uarmi zong aa khat kho. I khah lo zongah a phung si ko. Mah style a si lomi kha kan thlen tikah mikip nih uar a hau lo. Mahlemah zumhnak tu kan ngeih a biapi. Na thiamnak ah mahlemah zumhnak he hmainor kha a biapi. Atu zuamnak ca lawng kan chimhmi silo nan nun chung caah ka chimmi a si” tiah biakhiaktu Phyu Phyu Kyaw Thein nih a chim.

“Sum, nang cu kan caah a thaw tukmi blueberry maffin (changreu) he nan i lo. Maffin cu lum phatphat tein blueberry peih ahcun a thaw taktak. Nangmah cu mah thawtnak (flavor) te a ngeimi maffin bantuk na si. Maffin hmanh ahcun a sawhsawh na silo special in tuahmi a si. Benjamin cu Benjamin Sum a si ko,” tiah Tin Zar Maw nih a ti.

Tuzaan an i zuammi cu thaizing zaan ah tuah dingmi Result Show ah an thanh lai i vote tlawmbik a hmutu minung 2 cu Myanmar Idol in an chuak lai.

Ṭial Tharmi

Tuni Malaysia ah Covid-19 mizaw 5 hmuhchap a si

Tunu July 6 ah Malaysia ram ah Covid-19 zawtnak ngeimi 5 an hmuhchap hna. 3 cu ramdang in a rung tlungmi an...

India ram in tlun duhmi Chinmi 190 hrawng an um

India ram in Kawlram tlun a duhmi Chinmi 190 hrawng an um i atu tiang ah minung 7 lawng an tlung kho...

Thawngpang thatuk: Chin state ah Covid-19 mizaw an um ti lo

Chin state, Hakha sizung ah aa thlopmi kum 23, Covid-19 mizaw pa (Case 232) cu a pum ah voi 2 tiang zawtnak...

Lailenpi khua ah tar pawl bawmhnak an pek hna

Lailenpi khua ah tar pawl ca ah tiin Myanmar Zatlang Zohkhenhnak Vuanci Zung pekmi bawmhnak tangka cu an inn cio ah an...
- Advertisement -