Benjamin Sum: Liannganbik Pathian na cungah kaa lawm

- Advertisement -

November 1 zaan ah Myanmar Idol Season 4 Top 10 a kaimi Chin tlangval awṭha Benjamin Sum nih hmasa bikah cungnung bik Pathian cungah lunglawmhnak a chim.

Pahnihnak ah tangka dih in vote petu mipi cungah aa lawmh tuknak kong a chim. Aa lawmhnak cu a tanglei bangin a chim.

Benjamin Sum: Liannganbik Pathian na cungah kaa lawm! Bawipa na ṭha tuk!

Tha aa ka pe i Vote aa ka petu ramchung ramleng pakhat cio nan cungah kaa lawm tuk hringhran.

Thla aa ka campiaktu nan dihlak cungah kaa lawm tuk. Nan dihlak in Pathian nih thluachuah in pe ko hna seh.

Ka lei ah a ṭang zungzalmi Summers [dawtu/fans] pawl nan cungah ka lawm tuk hringhran. Tu hnu zong fakpi in kaa zuam lai, ati.

Benjamin Sum nih a fans pawl cu dawtnak in Summers tiin a auh hna. Hlasa minthang tampi nih an fans pawl hi dawtnak in min an bunh len hna. K-pop minthang BTS zong nih an fans pawl cu ‘army’ tiin an auh hna.

Benjamin le anu Lal Din Par

Benjamin Sum hi Pathian aa bochan ngaimi asi, tiah kan theih. Hringtu anu Lal Din Par zong Pathian hlasa in khua tampi a phanmi awṭha taktak asi. Liamcia kum 3 lio ah cancer stage 3 in a rak zaw nain Pathian aa bochan tuk caah thlacamnak in a dam ṭhan.

Anu a rak zawt lio hi Benjamin Sum cu Tangkua le Tanghra a kai lio asi. Ka nu nih aa ka liamtak sual lai maw tiah ni fatin lungrethei tukin a rak um. Thla a rak cam zungzal.

October 31 zaan i Myanmar Idol Top 11 zuamnak (Performance Show) ah ‘Ka Nu Na Dam Maw?’ timi hla in aa zuam lio zongah anu a rak zawt lio i a lungretheihnak kong a mitthlam cuang i a mitthli kualkual in a tla.

“Top 11 zuamnak cu avoi 1nak LIVE Show asi caah ka tlak lai le ka kai lai zong hngalh si lo. Cucaah caanṭha ka ngeih liote ah ka nu caah mah hla hi kai thimmi si,” tiah Benjamin Sum nih a chim.

Mah a lungput hrim cu biakhiaktu Phyu Pyhu Kyaw Thein nih a uar tuk, a upat tuk.

Amah hrim zong a awṭhat tuk caah le Pathian dawtnak le mipi ṭanpinak thawngin Top 10 ah a kai cang. Hmai zarh Nilini zaan 9pm ah Top 10 pawl cu an i zuam ṭhan lai. Zuamnak a dih cangka in vote pek asi ṭhan lai i Ningani zaan tiang vote pek khawh asi lai.

Mipi vote in kai asi cang caah zeitluk a awṭhat zongah vote petu an tlawm ahcun a tla kho. Mipi (summers) nan kut ah tlaknak le kainak a um. Minung pakhat nih vote tampi pek khawh asi.

Mah ca kan ṭial lio tiangah muidawh ngaknu awṭha Esther Dawt Chin Sung le Yaw Kee nih lunglawmhnak bia an chimmi hmuh khawh asi rih lo. A rauh hlan ah an rak chim ve lai tiah kan zumh.

Follow US

102,148FansLike
53FollowersFollow
731SubscribersSubscribe

Ṭial Tharmi

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.

Mara nih VP Pu Henry Van Thio sinah hitin ca an kuat

CNLD candidate simi Saya Rung Kaw nih naite Mara ram a tlawn lio ah an lam sul le mipi thinlung a hmuh...

Hakha rawl dawr ah tthut khawh si ti lo

Hakha khuapi ah Covid-19 vennak caah zawtnak karh a fawinak rawl dawr le lakphak dawr pawl ah tthut in ei khawh si...
- Advertisement -