9.8 C
Hakha
Friday, January 17, 2020
More

    Benjamin stage cung in na rung ttum ahkhan na fan ka si: Phyu Phyu Kyaw Thein

    Follow Us

    99,809FansLike
    376SubscribersSubscribe

    Ṭial Tharmi

    - Advertisement -

    Tuzaan Myanmar Idol Season 4 top 6 hlasak zuamnak ah Benjamin cu hla a sak pah ah stage cungin a ttum i a lungtling tukmi Phyu Phyu Kyaw Thein nih ‘Benjamin, stage cung in na rung ttum ahkhan na fan ka si’ a ti.

    “Benjamin, nang cu hlasak an thokka in aa zuam tukmi le a raltthami na si. Atu level ahhin ralthat zong a herh. Tuzaan na sakmi hla hi mi tampi nih thim ngam dingmi a silo. An in bawmtu le ruahnak an in petu saya/ma cung zongah kaa lawm,” tiah Phyu Phyu Kyaw Thein nih a chim.

    “Aa dawh tukmi left tone na ngeih kha an theih tikah zumhngamhnak te he an in sakter. Kan rak hmuh ka te ah left tone aa dawh tukmi na ngei ti kaa cinken. Nain, a luancia zarh i zuamnak pawl ah na langhter tuk kho lo.”

    “Na tincomi hla ruang zongah a si pah. Tuni ah na left tone zeitluk in dah aa dawh ti kha mipi na hmuhter hna. Base na sak lio zong aa dawh kho tuk. Tuzaan na hlasak cu ka vuai lo. Ngaih peng ka duh. Ka chim cang bantuk in mi nih an in uar/lo zong ah an in zohte dingmi arfi pakhat an si” tiah Phyu Phyu nih a chimchap.

    “Benjamin hi tuzaan ah a tampi thangthat in chim len a hau ti lo. A ruang cu Benjamin thiamnak cu biakhiaktu nih kan theihciami a si ko. Mipi zong nih theihcia a si. Nu pahnih nih an chim dih cang i chimawk ka thei ti lo,” tiah biakhiaktu Aung Ko Latt nih a chim.

    Benjamin Sum nih “music ahcun zeipoah ka uar dih. Pop, Rock, Classical, Jazz le Indie ka uar. Tanghra ka kai dih hnu ah Lai hla ka tuah. YouTuber pakhat si zong ka duh. 2018 ah YouTube Channel ka tuah i original Lai hla le cover hla pawl ka sak i ka tar hna.”

    “Keimah tein music tuah ka duh. Keimah ruangah midang an i nuamh ding khi ka duhbikmi a si. Ka tuahmi music nih mi pa khatkhat tthathnemnak a pek ahcun ka nuam tuk,” tiah a chim.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.