“Ka fapa cu Myanmar Idol winner a silo nain ka ngaihchia lo. Ka thinlung zong a zaang. Winner a silo zongah Pathian nih lam a hruai ko lai,” tiah Benjamin nu Lal Din Par nih a chim.
“Ka lungrawk lo. Ka fapa zong na lungrawk hlah. Summer pawl an um ko. Ramchung le ramleng in thapetu mipi zong an um ko ti hi ka fapa caah chim ka duh.”
“Pathian khuakhan a si ko. Ka fapa atu tiang hi dirhmun a phaknak hi Pathian thawngin a si caah Pathian min zong ka thangthat.”
“Summer pawl nan cungah kaa lawm tuk. Hmailei zongah ka fapa hi thazaang pe rih ko sawh uh. A nu sinak in cun Pathian sintu ah ka chanh, thla ka campiak. Ka fapa cu ka caah pa can, fapa can le hawikawm can a si” tiah a chimchap.
December 28 zaan ah Myanmar Idol season 4 Grand Final zuamnak an tuah i Esther Dawt Chin Sung nih teinak a hmuh.
Tutan hi Myanmar Idol a kum 4nk an tuah a si i Esther Dawt Chin Sung lawng hi winner lak ah nu a si.
Liamcia kum 3 ah winner a ngahmi 3; Phyo Myat Aung (season 3), Thar Nge (season 2) le Saw Lah Htaw Wah (season 1).
