Benjamin Sum nih Aye Mya Phyu cu ka far taktak bantuk tein ka dawt tiah a ti.
“Far pakhat te ka ngei bal. Ka farnu cu 2003 ah a chuakmi a si. Aye Mya Phyu zong 2003 ah a chuak vemi a si. Ka farnu cu rak um ve rih sehlaw hlasak lei hi tuah seh ti ka duhpiak. Aa tong thiam ngai. Aye Mya Phyu cu hlasak thiam tuk. Hika ah ngakchia bik veve kan si i thil vialte a van i ton dih tikah ka far taktak bantuk tein ka dawt hi a si” tiah Benjamin nih a chim.
“Tu zarh zuamnak ahhin a tthabik in kaa zuam kho. Tu zarh ah a kai khawh rih ahcun ka nu nih rak ka tlawng seh ti ka duh. Ka nu zong nih ka ra lai a ti. Cu ruangah, vote abiapi tuk. Vote rak ka pe rih ko sawh uh tiah kan sawm hna.
“Zahan zaan i biakhiaktu pawl nih an ka comment mi cungah ka lungtling tuk. Hmailei ah comment ttha ka hmuh peng khawhnak hnga kaa zuam rih lai. Ka theih bal lomi hla a tamtuk i hla tampi in ngaih ka hau.”
“Ka hawile 8 nih an i manh caan ah hla ka sak lio style an ka cawn hram tawn. An ka dawt dih ruangah si lai tiin ka ruah ko” tiah Benjamin nih a chim.
“Kan nih 2 cu ttafar taktak bantuk in kan i daw i kan um tti. Kei hawi hna cu pa bantuk in ka um ruangah (Ben Ben) nih ka naupa tiin a ka auh. Ka um tti tuk tikah kan fan pawl nih phundang ah an kan ruah. Keimah fan si ah, Benjamin fan an si ah aa duhmi ah an kan ruah i atu hi a tthabik in kan phisin lio a si” tiah Aye Mya Phyu nih a chim. – Sunday Journal
