Myittha Township ah cozah nawl peknak tel loin birthday party a tuahtu le minthang Chaink K Ko@Banana cu kokek ral runvennak upadi in tazacuai an si.
Chaink K Ko cu Myanmar Idol hlasak aa zuamnak ah mi tampi nih banana tiin theihmi a si.
December 3 zaanlei sml 6pm ahkhan Myittha peng, Min Wan khuate ah a ummi U Zaw Min Theik, kum 40 nih a fanu Pyih Pyih Phyo kum 11 a tlinni birthday party a tuah.
A fanu birhday party ahcun hlasa dingin Banana a sawm i nawl ngeitu nawl peknak tel loin khua leng ah a ummi a lo thlam ah show an tuah.
Mi tampi an sawm hna i zaan sml 9pm tiang birthday party cu an tuah.
Facebook ah Chaink K Ko account in Live an thlahmi zong hmuh khawh a si.
Covid-19 zawtnak karh hlah seh tiin cozah nih nawl a chuahmi zul loin mi tampi in birthday party a tuahtu le Banana cu Myittha peng Covid-19 dotu bu nih December 4 ah kokek ral runvennak upadi in taza an cuai hna.
Myittha khua palek nih birthday party a tuahtu le Banana cu atu hi tlaih an timh hna lio a si. – MMT
